దూకుడుగా ఆడటం రిషభ్పంత్కు సహజంగా వచ్చిందని భారత సీనియర్ బ్యాట్స్మెన్ ఛెతేశ్వర్ పుజారా తెలిపాడు. జట్టు ప్రయోజనాలను దృష్టిలో ఉంచుకుని అతడు ఇంకా తెలివైన షాట్లు ఎంచుకోవాలని సూచించాడు.
రిషభ్పంత్.. కేవలం 88 బంతుల్లో 91 పరుగులు చేసి జట్టును గాడిలో పడేసే ప్రయత్నం చేశాడు. కానీ, ఓ పేలవ షాట్ వల్ల తిరిగి టీమ్ఇండియా 257 పరుగుల వద్ద ఆరో వికెట్ కోల్పోయింది.
దూకుడుగా ఆడటం పంత్ సహజసిద్ధమైన ఆట. ఈ విషయంలో అతనికి అడ్డుచెప్పలేం. అతనలాగే ధాటిగా ఆడాలి. కానీ, ఏ షాట్ ఆడాలో? ఏది ఆడకూడదో? అతనికి తెలియాలి. అతను క్రీజులో ఉన్న పరిస్థితులకు తగ్గట్లు ఆడాలి. పంత్ చేస్తున్న పొరపాట్ల నుంచి అతను చాలా నేర్చుకోవాలి. జట్టు అవసరాలకు అనుగుణంగా బ్యాటింగ్ చేయాలి. మరిన్ని భాగస్వామ్యాలు నమోదు చేయాలి. పిచ్ కొంచెం స్పిన్కు సహకరిస్తున్నప్పటికీ.. బ్యాటింగ్కూ అనుకూలంగానే ఉంది. మేం ఇంకాస్త మెరుగ్గా ఆడాల్సింది. నాలు రోజు ఆట కీలకం కానుంది.
-ఛెతేశ్వర్ పుజారా, భారత సీనియర్ బ్యాట్స్మెన్.
బ్యాటింగ్లో కొన్ని అంశాలు తమకు అనుకూలంగా లేవని పుజారా పేర్కొన్నాడు. నేను, రహానె ఔటైనా విధానాలు కలిసి రాలేదని తెలిపాడు. ఈ రెండు మాకెంతో ముఖ్యమైన వికెట్లని నయావాల్ అభిప్రాయపడ్డాడు. అయితే అశ్విన్, వాషింగ్టన్ సుందర్లు అద్భుతమైన బ్యాటింగ్ చేస్తున్నారని పుజారా అన్నాడు.
ఇదీ చదవండి: 'అలా ఔట్ అవ్వడం దురదృష్టకరం'
