అసాధ్యాన్ని సుసాధ్యం చేస్తూ టీమ్ఇండియా మరో సరికొత్త ఘనతను తమ ఖాతాలో వేసుకుంది. ఇంగ్లాండ్తో జరిగిన నాలుగో టెస్టులో(Ind vs Eng 4th test) విజయం సాధించడమే కాక.. ఏళ్ల నాటి చరిత్రను తిరగరాసింది. 50 ఏళ్ల తర్వాత ఓవల్లో భారత్ టెస్టు(Ind vs Eng Oval Test) విజయం సాధించింది. ఆ మైదానంలో ఓటమి ఎరుగని ఇంగ్లీష్ జట్టును మట్టికరిపించింది. ఇంతటి చారిత్రక విజయాన్ని నమోదు చేసిన భారత జట్టును.. పలువురు ప్రముఖులు కొనియాడుతున్నారు.
ప్రముఖుల ట్వీట్స్..
"ఎన్ని అవాంతరాలు ఎదురైనా తిరిగి పుంజుకుని విజయం సాధించే జట్టునే టీమ్ ఇండియా" అంటారని వీరేంద్ర సెహ్వాగ్ అన్నాడు. భారత జట్టును చూస్తే గర్వంగా ఉందని ట్వీట్ చేశాడు.
ఈ టెస్టు మ్యాచ్ విజయం చాలా స్పెషల్ అని అన్నాడు మాజీ ఆటగాడు వీవీఎస్ లక్ష్మణ్. "మొదటి రోజు 127/7 స్కోరు సాధించిన టీమ్ఇండియా.. తిరిగి పుంజుకుని టెస్టు గెలిచింది. ఈ విధంగా పుంజుకోవడం అంత సులభం కాదు. అందుకే ఇది భారత జట్టు అయింది. అందరికీ కంగ్రాట్స్" అని ట్వీట్ చేశాడు.
"భారత్ది అత్యుత్తమ ప్రదర్శన. మంచి నైపుణ్యం ఉండటం ఒకెత్తు. ఒత్తిడిని అధిగమించి గెలవడం మరో ఎత్తు. టీమ్ఇండియా ఇతర జట్లకన్నా ముందంజలో ఉంది."
-గంగూలీ, బీసీసీఐ అధ్యక్షుడు.
"కోహ్లీసేనకు కంగ్రాట్స్. టీమ్ఇండియా చక్కటి ప్రదర్శన చేసి అద్భుత విజయం సాధించింది. గత 12 నెలల నుంచి జట్టు పలు ఘనతలు సాధించడం హర్షనీయం. ప్రపంచంలోని జట్లలో భారత్ అత్యుత్తమ జట్టు. ఈ టైటిల్ పొందే అర్హత భారత్కే ఉంది."
-షేన్ వార్న్, ఆస్ట్రేలియా మాజీ క్రికెటర్.
"ఐదు రోజుల గొప్ప టెస్టు క్రికెట్ ఇది. భారత జట్టు బలంగా ఉంది. కోహ్లీ మంచి వ్యూహాలు రచించాడు. జట్టును ముందుండి నడిపించాడు."
-మైకేల్ వాన్, ఇంగ్లాండ్ మాజీ కెప్టెన్.
ఓవల్ వేదికగా జరిగిన నాలుగో టెస్టులో(Ind vs Eng 4th test 2021) ఇంగ్లాండ్పై 157 పరుగుల తేడాతో టీమ్ఇండియా ఘనవిజయం సాధించింది. ఈ విజయంతో ఐదు మ్యాచ్ల టెస్టు సిరీస్లో 2-1 తేడాతో భారత్ ఆధిక్యంలోకి వెళ్లింది.
ఇదీ చదవండి:
