భారత్లో నిర్వహించే 2021 టీ20, 2023 వన్డే ప్రపంచకప్‌లలో పాకిస్థాన్ ఆటగాళ్లు వీసా పొందే సమయంలో ఎటువంటి సమస్యలు ఎదుర్కోకుండా.. బీసీసీఐ లిఖితపూర్వక హామీ ఇవ్వాలని పాక్ క్రికెట్ బోర్డు(పీసీబీ) ఐసీసీని కోరింది. పాకిస్థాన్ అథ్లెట్లు భారత్లో ఆడేందుకు వీసాలు నిరాకరించిన సందర్భాలు గతంలో చాలానే ఉన్నాయి. ఈ క్రమంలోనే వీసాతో పాటు, ఆటగాళ్ల భద్రతపరంగా పీసీబీ లిఖిత పూర్వక హామీ కోరుతోంది. అయితే, ఈ విషయంపై భారత మాజీ క్రికెటర్ ఆకాశ్ చోప్రా స్పందించాడు. వచ్చే ఏడాది భారత్లో జరిగే టీ20 ప్రపంచకప్నకు క్లియరెన్స్ లభిస్తే.. పాకిస్థాన్ ఆటగాళ్లు ఆందోళన చెందాల్సిన అవసరం లేదని స్పష్టం చేశాడు.
"పాకిస్థాన్ టీ20 ప్రపంచకప్ కోసం భారత్కు ఎప్పుడొచ్చినా భద్రత పెద్ద సమస్య కాదు. ఆ విషయంలో మేము హామీ ఇస్తాం. బీసీసీఐ కూడా దీనిపై స్పందించడం లేదు. కరోనా కారణంగా భవిష్యత్తులో ఏం జరగనుందో ఎవరికీ తెలియదు. కాబట్టి బీసీసీఐ ప్రస్తుత పరిస్థితుల్లో దీని గూరించి మాట్లాడటం లేదు. మొదట టీ20 ప్రపంచ కప్ నిర్వహణపై కొంత స్పష్టత రానివ్వండి. ఆ తర్వాత భద్రతపరమైన సమస్యలను పరిష్కరించొచ్చు."
-ఆకాశ్ టోప్రా, భారత మాజీ క్రికెటర్
ఈ మెగాటోర్నీ జరగడానికి చాలా సమయం ఉందని.. పాకిస్థాన్ జట్టు భారత్కు ఎప్పుడొచ్చినా భద్రతపరంగా భరోసా కల్పిస్తామని చోప్రా స్పష్టం చేశాడు.
భారత్- పాకిస్థాన్ దేశాల మధ్య దశాబ్దాలుగా నెలకొన్న ఉద్రిక్త పరిస్థితులు ఇటీవల కాలంలో మరింత తీవ్ర స్థాయికి చేరుకున్నాయి. 2019లో పుల్వామా ఉగ్రదాడి అనంతరం పాకిస్థాన్తో.. భారత్ అన్ని క్రీడా సంబంధాలను తెంచుకుంది. పాక్ చివరగా 2013లో రెండు టీ20, మూడు వన్డేల సిరీస్ కోసం భారత్లో పర్యటించింది.
