టీమ్ఇండియా కెప్టెన్ విరాట్ కోహ్లీ మరో అరుదైన ఘనత సాధించాడు. వన్డేల్లో అత్యంత వేగంగా 242 ఇన్నింగ్స్ల్లో 12వేల పరుగులు పూర్తి చేసిన ఆటగాడిగా నిలిచాడు. ఆస్ట్రేలియాతో మూడో వన్డే సందర్భంగా ఈ మార్క్ను చేరుకున్నాడు.
అతడి తర్వాతి స్థానాల్లో సచిన్ తెందుల్కర్(300 ఇన్నింగ్స్లు), పాంటింగ్(314), కుమార సంగక్కర(336), సనత్ జయసూర్య(379), మహేల జయవర్ధనే(399) ఉన్నారు.
మూడు వన్డేల సిరీస్ను ఇప్పటికే 2-0 తేడాతో ఆస్ట్రేలియా సొంతం చేసుకుంది. నామమాత్ర మూడో వన్డే కాన్బెర్రా వేదికగా జరుగుతోంది. అనంతరం మూడు టీ20లు, నాలుగు టెస్టులు ఆసీస్తో భారత జట్టు ఆడనుంది.
