8వ సైమా (సౌత్‌ ఇండియన్‌ ఇంటర్నేషనల్‌ మూవీ) అవార్డుల వేడుక కోసం ఖతార్లో ఘనంగా ఏర్పాట్లు జరుగుతున్నాయి. ఆగస్టు 15, 16 తేదీల్లో ఈ కార్యక్రమం జరగనుంది. దక్షిణాది చిత్రసీమకు చెందిన అతిరథ మహారథులంతా తరలి రాబోయే ఈ మహోత్సవం కోసం ఆ స్థాయిలోనే ఏర్పాట్లు చేస్తున్నారు నిర్వాహకులు. ఈ వేడుకకు ముఖ్య అతిథులుగా మెగాస్టార్ చిరంజీవి, మలయాళ హీరో మోహన్లాల్ వస్తున్నట్లు.. సైమా అధికారిక ప్రకటన విడుదల చేసింది.
ఆగస్టు 15న తెలుగు, కన్నడ చిత్రసీమలకు సంబంధించి జరిగే అవార్డు వేడుకలో చిరు సందడి చేయనున్నాడు. 16వ తేదీన జరిగే తమిళ, మలయాళ పురస్కారాల వేడుకకు మోహన్లాల్ ముఖ్య అతిథిగా రానున్నాడు.
ఇది చదవండి: అధీరా పాత్రకు సంజయ్దత్ సరైనోడని చెప్పిన హీరో యశ్
