నాగచైతన్య, సాయిపల్లవి జంటగా నటించిన సినిమా 'లవ్స్టోరీ'. శేఖర్ కమ్ముల దర్శకత్వంలో తెరకెక్కిన ఈ చిత్రం నేడు(సెప్టెంబరు 24) థియేటర్లలో విడుదలై సూపర్హిట్ రెస్పాన్స్ సంపాదించుకుంది. ప్రేక్షకుల నుంచి సెలబ్రిటీల వరకు చిత్రంపై ప్రశంసలు కురిపిస్తున్నారు. ఈ సందర్భంగా చిత్రబృందం సక్సెస్ మీట్ నిర్వహించింది. కేక్ కట్ చేసి బాణాసంచాలు కాలుస్తూ సంబరాలు చేసుకుంది. ఈ నేపథ్యంలో మీడియాతో మాట్లాడిన చైతూ, పల్లవి, శేఖర్.. సినిమా హిట్ కావడంపై హర్షం వ్యక్తం చేశారు. ప్రతిఒక్కరికీ ధన్యావాదాలు తెలిపారు.
ఆలస్యమైనా కంటెంట్ నమ్మి, థియేటర్లలో విడుదల చేసినట్లు తెలిపారు చైతూ. "ప్రేక్షకులు కుటుంబాలతో కలిసి థియేటర్కు రావడం ఆనందంగా ఉంది. క్రెడిట్ అంతా డైరెక్షన్ టీమ్, సహనటులకు దక్కుతుంది. చిత్రబృందానికి ధన్యవాదాలు. ఇది థియేటర్లో చూడాల్సిన సినిమా. అన్ని జాగ్రత్తలు తీసుకోండి. ప్రతిఒక్కరూ కనెక్ట్ అవుతారు" అని చైతూ అన్నారు.
"సినిమా విజయవంతం అవ్వాలని ప్రార్థించిన ప్రతిఒక్కరికీ కృతజ్ఞతలు. ఈ చిత్రాన్ని ప్రతిఒక్కరూ చూడాలి. ముఖ్యంగా అమ్మాయిలు చూడాల్సిన చిత్రం. ఇందులో ముఖ్యమైన కథ ఉంది. ఈ పాత్ర ఇచ్చినందుకు, ఇలాంటి సబ్జెక్ట్ తీసుకున్నందుకు శేఖర్కు థ్యాంక్స్"
-సాయిపల్లవి, హీరోయిన్
"సినిమా విజయవంతం కావాలని ట్వీట్లు చేసిన ప్రతిఒక్కరికీ ధన్యవాదాలు. చిరంజీవి, ఆమీర్ ఖాన్కు ప్రత్యేకంగా కృతజ్ఞతలు."
-శేఖర్ కమ్ముల, దర్శకుడు
శేఖర్ కమ్ముల దర్శకత్వం వహించిన ఈ చిత్రానికి పవన్.సీహెచ్ సంగీతమందించగా, పి.రామ్మోహన్, నారాయణ్దాస్ నారంగ్ సంయుక్తంగా నిర్మించారు.
- " class="align-text-top noRightClick twitterSection" data="">
ఇదీ చూడండి:
'అది నా వ్యక్తిగతం.. సినిమాతో ముడిపెట్టొద్దు'
Sai Pallavi: 'రీమేక్‌ అని నో చెప్పలేదు.. ఆ భయంతోనే చెప్పా'
