హీరో నందమూరి కల్యాణ్రామ్.. యమ దూకుడు మీదున్నారు. సినిమా చేయడంలో గేర్ మార్చి, ఫుల్ స్పీడ్లో దూసుకుపోతున్నారు. ఏకంగాఐదు సినిమాలు చేస్తూ, ఇతర కథానాయకులకు అందనంత దూరంలో ఉన్నారు. అయితే ఈ చిత్రాల్లో వేటికవి విభిన్న కథలు కావడం మరో విశేషం. ఇంతకీ ఆ సినిమాలేంటి? వాటి సంగతేంటి?
చారిత్రక 'బింబిసార'
కల్యాణ్రామ్ తొలిసారిగా నటిస్తున్న పీరియాడికల్ డ్రామా 'బింబిసార'. ఇందులో మగద సామ్రాజ్య రాజుగా కల్యాణ్రామ్ కనిపించనున్నారు. ఇప్పటికే విడుదల చేసిన లుక్స్ అంచనాల్ని పెంచడం సహా చిత్రం ఎప్పుడు విడుదలవుతుందా అనే ఉత్సుకతను కలిగిస్తోంది. వశిష్ట్ దర్శకుడు.
మైత్రీ మూవీస్తో కల్యాణ్ రామ్-#NKR19
తెలుగు స్టార్ హీరోలతో సినిమాలు తీస్తున్న మైత్రీమూవీ మేకర్స్.. కల్యాణ్రామ్ 19వ చిత్రాన్ని నిర్మిస్తుంది. #NKR19 వర్కింగ్ టైటిల్తో తీస్తున్న ఈ సినిమాకు రాజేంద్రరెడ్డి దర్శకత్వం వహిస్తున్నారు. త్వరలో ఇతర వివరాలు వెల్లడించే అవకాశముంది.
అచ్చొచ్చిన దర్శకుడితో మళ్లీ- #NKR20
'118' లాంటి మిస్టరీ థ్రిల్లర్ కోసం కలిసి పనిచేసిన కల్యాణ్రామ్-కేవీ గుహన్.. ఇప్పుడు మరోసారి సినిమా చేసేందుకు సిద్ధమయ్యారు. ఈసారి క్రైమ్ థ్రిల్లర్ కథను సిద్ధం చేసినట్లు తెలుస్తోంది. దిల్రాజు ఈ చిత్రానికి నిర్మాతగా వ్యవహరిస్తున్నారు. దీనికి 'ఏజెంట్ వినోద్' టైటిల్ కూడా అనుకుంటున్నట్లు సమాచారం.
డెవిల్గా కల్యాణ్రామ్ -#NKR21
కల్యాణ్రామ్ నటిస్తున్న మరో విభిన్న తరహా చిత్రం 'డెవిల్'. ఇందులో బ్రిటిష్ సీక్రెట్ ఏజెంట్గా నటిస్తున్నారు. కల్యాణ్రామ్ పుట్టినరోజు సందర్భంగా టైటిల్తో పాటు ఫస్ట్లుక్ను సోమవారం విడుదల చేశారు. వీటిని చూసిన అభిమానులు.. అప్పుడు సినిమాపై అంచనాలు పెంచేసుకుంటున్నారు! దీనికి నవీన్ మేడారం దర్శకత్వం వహిస్తున్నారు.
నిర్మాత మహేశ్తో మరోసారి-#NKR22
కల్యాణ్రామ్ తన 22వ సినిమాను ఈస్ట్కోస్ట్ ప్రొడక్షన్స్ నిర్మాణంలో చేయనున్నారు. ఈ బ్యానర్లో ఇంతకు ముందు '118' చేశారు. ఇప్పుడు ఇంకెలాంటి తరహా చిత్రం చేస్తారో చూడాలి. పూర్తి వివరాలు త్వరలో వెల్లడించే అవకాశమున్నట్లు తెలుస్తోంది.
ఇవీ చదవండి:
