బ్రిటన్ కన్జర్వేటివ్ పార్టీకి చెందిన చట్టసభ్యుడు డేవిడ్ అమెస్.. శుక్రవారం జరిగిన కత్తిదాడిలో మరణించారు. తూర్పు ఇంగ్లాండ్లోని ఓ చర్చ్లో సొంత నియోజకవర్గం ప్రజలతో అమెస్ సమావేశం కాగా.. ఆయనపై దాడి జరిగింది. ఈ ఘటనలో ఓ 25ఏళ్ల వ్యక్తిని పోలీసులు అరెస్టు చేశారు.
ఘటనపై సమాచారం అందుకున్న అధికారులు ఘటనాస్థలానికి ఎయిర్ అంబులెన్స్ను పంపించారు. డెవిడ్కు చికిత్స అందించినా.. శరీరంపై అనేక కత్తిపోట్లు ఉండటం కారణంగా ఆయన తుదిశ్వాస విడిచారు. అయితే అమెస్పై దాడి జరిగి రెండు గంటలు దాటినా ఆయనకు ఎవరూ చికిత్స అందివ్వలేదని స్థానిక కౌన్స్లర్ ఒకరు వ్యాఖ్యానించారు.
69ఏళ్ల అమెస్.. 1983 నుంచి ఎంపీగా కొనసాగుతున్నారు. పార్లమెంట్ సభ్యుల్లో ఆయనపై అందరికి గౌరవం ఉంది.
అమెస్ మృతిపై బ్రిటన్ నేతలు దిగ్భ్రాంతి వ్యక్తం చేశారు. ఆయన కుటుంబసభ్యులకు ప్రగాఢ సానుభూతిని ప్రకటించారు.
2016 జూన్లో లేబర్ పార్టీకి చెందిన జో కాక్స్.. ఉత్తర ఇంగ్లాండ్లోని సొంత నియోజకవర్గంలో జరిగిన కత్తిదాడి ఘటనలో మరణించారు.
బ్రిటన్ చట్టసభ్యులకు పార్లమెంట్లో పూర్తిస్థాయి రక్షణ ఉంటుంది. కానీ నియోజకవర్గాల్లో మాత్రం వారికి ఎటువంటి భద్రత ఉండదు.
