H1B visa registration: అమెరికా హెచ్1బీ వీసా రిజిస్ట్రేషన్ తేదీలను ప్రకటించింది ఆ దేశ ఇమ్మిగ్రేషన్ ఏజెన్సీ. మార్చి 1న దరఖాస్తుదారులకు వీసా రిజిస్ట్రేషన్ అందుబాటులోకి వస్తుందని తెలిపింది. మార్చి 18 వరకు రిజిస్ట్రేషన్కు అవకాశం ఉంటుందని.. ఆన్లైన్ ద్వారా ఈ ప్రక్రియను పూర్తి చేసుకోవచ్చని చెప్పింది. ఈ మేరకు ప్రకటన విడుదల చేసింది. ఎంపికైన వారికి మార్చి నెలాఖరుకు వివరాలు తెలియజేస్తామని పేర్కొంది.
ఓ అకౌంట్ నుంచి ఒకరి కన్నా ఎక్కువ మంది దరఖాస్తులు చేసుకునే అవకాశం కల్పిస్తున్నట్లు ఇమ్మిగ్రేషన్ అధికారులు వెల్లడించారు. ఈ అకౌంట్ ద్వారా వారి వివరాలు నమోదు చేసుకోవచ్చని తెలిపారు.
అత్యధికంగా ఓ ఏడాదిలో దాదాపు 65,000 హెచ్1బీ వీసాలకు అమెరికా అనుమతిస్తుంది. ఇందుకు అదనంగా విదేశీ విద్యార్థులకు మరో 20వేల వీసాలను జారీ చేస్తుంది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి : రెండు దేశాల మధ్య యుద్ధవాతావరణం.. ఆ అధ్యక్షుడి కీలక వ్యాఖ్యలు
