బాలీవుడ్ స్టార్ హీరో షారుక్ ఖాన్ పుత్రోత్సాహంతో పొంగిపోయారు. తాజాగా ఆయన రెండో కుమారుడు అబ్రామ్.. తైక్వాండో పోటీల్లో గెలిచాడు. దీంతో షారుక్ తన కుమారుడిని చూసి ఆనందంతో మురిసిపోయారు. అయితే ఈ పోటీల్లో అబ్రామ్తో పాటు ఇతర ప్రముఖ తారల పిల్లలు కూడా పాల్గొన్నారు. వీరిలో కరీనా కుమారుడు తైమూర్, కరీష్మా కపూర్ కొడుకు వియాన్ రాజ్కపూర్, నిఖిల్ ద్వివేది తనయుడు శివాన్ కూడా ఉన్నారు. ప్రస్తుతం ఈ ఫొటోలు సోషల్ మీడియాలో వైరల్గా మారాయి. ఈ పోటీలకు షారుక్-గౌరీ ఖాన్ దంపతులు.. వీరి పెద్ద కుమారుడు ఆర్యన్ ఖాన్, కుమార్తె సుహానా కూడా హాజరయ్యారు.
కాగా, షారుక్ పెద్ద కుమారుడు ఆర్యన్.. ఓ వెబ్సిరీస్కు రైటర్గా పనిచేయనున్నాడు. ఈ సిరీస్తో చిత్రసీమలోకి అడుగుపెట్టనున్నాడు. ఇక షారుక్ కుమార్తె సుహానా త్వరలోనే సిల్వర్ స్క్రీన్ ఎంట్రీ ఇవ్వనుంది. జోయా అక్తర్ దర్శకత్వం వహిస్తున్న ఈ సినిమాతోనే శ్రీదేవి రెండో కుమార్తె ఖుషి కపూర్, అమితాబ్ బచ్చన్ మనవడు అగస్త్య నంద తెరంగేట్రం చేయనున్నారు.
ఇవీ చదవండి : వారికి సంఘీభావంగా జట్టు కత్తిరించుకున్న ఊర్వశి.. కానీ బుక్ అయిందిగా!
