Hyper Aadi Marriage : బుల్లితెర స్టార్ కమెడియన్ హైపర్ ఆది త్వరలో పెళ్లి పీటలెక్కనున్నాడట. తనకు చాలా కాలం నుంచి పరిచయం ఉన్న ఓ యూట్యూబ్ యాంకర్తో ప్రేమలో ఉన్నట్లు తెలుస్తోంది. కాగా ఇటీవలె వీరి ప్రేమ వ్యవహారం గురించి ఇంట్లో చెప్పగానే.. వారు కూడా గ్రీన్ సిగ్నల్ ఇచ్చారట. దీంతో హైపర్ ఆదికి త్వరలోనే ఆ అమ్మాయితో నిశ్చితార్థం జరగనుందని టాక్ వినిపిస్తోంది. కానీ తన ప్రేమ గురించి కానీ, పెళ్లి గురించి కానీ ఆది ఎక్కడ కూడా అధికారికంగా వెల్లడించలేదు.
బుల్లితెరపై టాప్ కమెడియన్లలో ఒకరిగా పేరొందారు హైపర్ ఆది. తనదైన శైలిలో ఆది వేసే పంచులకు ప్రేక్షకులు కడుపుబ్బా నవ్వుకుంటారు. ఆది కామెడీ టైమింగ్కు సపరేట్ ఫ్యాన్ బేస్ ఉంది. కాగా కొంతకాలం నుంచి ఆది.. సినిమాల్లో కూడా కమెడియన్ పాత్రలో నటిస్తూ.. ఆడియెన్స్ను మెప్పిస్తున్నాడు. ఇలా ప్రేక్షకులను నవ్వించడమే కాకుండా.. రచయితగా కూడా రాణిస్తున్నారట. రీసెంట్గా వచ్చిన ధనుష్ సార్ సినిమాకు.. ఆది మాటలు, డైలాగులు అందించారని టాక్.
కెరీర్ ప్రారంభం ఇలా...
Hyper Aadi Jabardasth : ఈ టీవీలో ప్రసారమయ్యే జబర్దస్త్ కామెడీ షో తో తెలుగు ప్రేక్షకులకు పరిచయమయ్యారు ఆది. మొదట్లో అదిరే అభి టీమ్లో ఓ కంటెస్టెంట్గా కెరీర్ ప్రారంభించి.. తర్వాత రైజింగ్ రాజు టీమ్లో చేరారు. ఇక తన సొంత టాలెంట్తో ఆడియెన్స్కు మరింత దగ్గరై.. అదే జబర్దస్త్ షో లో టీమ్ లీడర్గా ఎదిగి 'హైపర్ ఆది' గా మారారు. అప్పటినుంచి కెరీర్లో దూసుకుపోతున్న ఆది.. ఢీ డ్యాన్స్ ప్రోగ్రామ్, శ్రీదేవి డ్రామా కంపెనీ షో తో మరింత క్రేజ్ సంపాదించుకున్నారు.
పొలిటికల్ ఎంట్రీ..
టాలీవుడ్లో పవన్ కల్యాణ్ అంటే తనకు ఎంతో అభిమానం అని.. ఆది పలుమార్లు చెప్పారు. పవన్ కల్యాణ్ జనసేన పార్టీకి బహిరంగంగానే ఎన్నో సార్లు పలు వేదికలపై మద్దతుగా కూడా మాట్లాడారు. అంతేకాకుండా పవన్ ఓ మంచి వ్యక్తి అని, ఆయనకు డబ్బుపైన ఎలాంటి ఆసక్తి లేదని ఆది ఇదివరకే ఓ ఇంటర్వ్యూలో చెప్పుకొచ్చారు. కాగా పవన్ కల్యాణ్ - డైరెక్టర్ క్రిష్ కాంబినేషన్లో రానున్న 'హరిహర వీరమల్లు' సినిమా కోసం పనిచేస్తున్నట్లు హైపర్ ఆది గతంలో తెలిపారు. కాగా జనసేన అధికారిక ప్రోగ్రామ్లు, సభల్లో ఆది పాల్గొంటున్నారు. అయితే 2024లో ఆంధ్రప్రదేశ్ శాసనసభకు జరిగే ఎన్నికల్లో హైపర్ ఆది ఎమ్మెల్యేగా పోటీచేయనున్నారని సోషల్ మీడియాలో ప్రచారం సాగుతోంది.
