Anushka Shetty New Movie : తన వర్సటాలిటీతో ప్రేక్షకులను కట్టిపడేసే టాలీవుడ్ బ్యూటీ అనుష్క శెట్టి ప్రస్తుతం మరో పాన్ ఇండియా సినిమాలో నటించనున్నారు. ఇప్పటి వరకూ తెలుగు, తమిళ భాషల్లో మాత్రమే నటించిన ఈ స్టార్ హీరోయిన్ ఇప్పుడు మాలీవుడ్లోకి అడుగుపెట్టారు. తాజాగా ఈ సినిమాకు సంబంధించిన గ్లింప్స్‌ విడుదల చేశారు.
'కథనార్‌- ది వైల్డ్‌ సోర్సెరర్‌' అనే పేరుతో తెరకెక్కుతున్న ఈ ఓ హారర్‌ సినిమాకు అనుష్క గ్రీన్‌ సిగ్నల్‌ ఇచ్చారు. ఇందులో మలయాళ స్టార్ జయసూర్య లీడ్ రోల్లో నటిస్తున్నారు. ఆయన పుట్టినరోజు సందర్భంగా విడుదల చేసిన ఈ తాాజా గ్లింప్స్‌ ప్రస్తుతం నెట్టింట తెగ ట్రెండ్ అవుతోంది. కేరళలో జరిగిన కొన్ని వాస్తవ ఘటనల ఆధారంగా ఈ కథ రూపొందనున్నట్లు తెలుస్తోంది.
- " class="align-text-top noRightClick twitterSection" data="">
మహిళా ప్రాధాన్యం ఉన్న చిత్రాలకు కేరాఫ్‌గా నిలిచారు అనుష్క. 'అరుంధతి', 'రుద్రమదేవి', 'బాహుబలి'లో దేవసేన లాంటి పాత్రలతో మెప్పించిన ఆమె.. ఈ సినిమాలోనూ అరుంధతి తరహాలోని పాత్రనే చేయనున్నారట. ప్రముఖ దర్శకుడు రోజిన్ థామస్‌ దర్శకత్వంలో రూపొందుతోన్న ఈ సినిమా రెండు భాగాలుగా రిలీజ్ కానుంది. మొదటి భాగం 2024లో విడుదల చేయనున్నట్లు మేకర్స్‌ పేర్కొన్నారు. ఇక ఈ సినిమా మొత్తం 14 భాషల్లో ఒకేసారి ప్రేక్షకుల ముందుకు రానుండటం విశేషం.
Anushka Shetty Upcoming Movies : ఇక అనుష్క.. 'బాహుబలి' సినిమా తర్వాత 'నిశ్శబ్దం' అనే సస్పెన్స్ థ్రిల్లర్తో ప్రేక్షకుల ముందుకొచ్చారు. ఆ తర్వాత ఎటువంటి అప్డేట్స్ ఇవ్వని స్వీటీ.. దాదాపు మూడేళ్ల తర్వాత 'మిస్‌ శెట్టి మిస్టర్‌ పొలిశెట్టి' సినిమాతో ఆడియెన్స్ను అలరించేందుకు సిద్ధమయ్యారు. నవీన్ పోలిశెట్టి లీడ్ రోల్లో తెరకెక్కుతున్న ఈ సినిమా యూవీ బ్యానర్స్పై రూపొందుతోంది.
Miss Shetty Mr Polishetty Release Date : ఇక మహేశ్‌బాబు.పి ఈ సినిమాకు దర్శకత్వం వహిస్తున్నారు. భారీ అంచనాల నడుమ ఈ సినిమా సెప్టెంబర్‌ 7న ప్రేక్షకుల ముందుకు రానుంది. క నవీన్ ఇందులో స్టాండప్‌ కమెడియన్‌ పాత్రలో కనిపిస్తుండగా.. అనుష్క ఓ చెఫ్‌గా నటించారు. ప్రస్తుతం మూవీ యూనిట్ మొత్తం ప్రమోషన్స్లో బిజీగా ఉంది.
