రాష్ట్ర వాణిజ్య పన్నుల శాఖలో వివిధ క్యాడర్లకు చెందిన 50 మందికి పదోన్నతులు లభించాయి. ఈ మేరకు రాష్ట్ర ప్రభుత్వ ప్రధాన కార్యదర్శి సోమేశ్ కుమార్ ఉత్తర్వులు జారీ చేశారు. ఈ పదోన్నతులు తక్షణమే అమలులోకి వస్తాయని ప్రభుత్వం స్పష్టం చేసింది.
రాష్ట్రంలోని 31 మంది వాణిజ్యపన్నుల అధికారులకు సహాయ కమిషనర్లుగా పదోన్నతి లభించింది. అదే విధంగా 13 మంది సహాయ కమిషనర్లకు ఉపకమిషనర్లుగా, ఐదుగురు ఉప కమిషనర్లకు జాయింట్ కమిషనర్లుగా ప్రభుత్వం పదోన్నతి కల్పించింది. ఉప వాణిజ్య పన్నుల శాఖలోని పలు విభాగాలలో మరో 300 మందికి పదోన్నతులు లభించే అవకాశం ఉందని ఓ సీనియర్ అధికారి తెలిపారు.
ఇదీ చదవండి: 'భాగ్యనగరం.. విభిన్న సంస్కృతి, సంప్రదాయాలకు నిలయం'
