IRCTC Ticket Booking : ప్రముఖ రైల్వే టికెట్ బుకింగ్ వెబ్సైట్ ఐఆర్సీటీసీ (IRCTC) వెబ్సైట్, యాప్లో నెలకొన్న సాంకేతిక సమస్యల కారణంగా టికెట్ బుకింగ్ సేవల్లో అంతరాయం ఏర్పడింది. దీనితో అత్యవసర పనుల మీద వెళ్లాలని అనుకునే ప్రయాణికులు తీవ్ర ఇబ్బందులు ఎదుర్కొంటున్నారు. చేసేదేమి లేక ప్రత్యామ్నాయ ట్రైన్ బుకింగ్ ప్లాట్ఫామ్స్ వైపు చూస్తున్నారు. కాగా, తమ సేవల్లో కలుగుతున్న అంతరాయ విషయాన్ని ఐఆర్సీటీసీ తన అధికారిక ట్విట్టర్‌ అకౌంట్ ద్వారా వెల్లడించింది. ప్రస్తుతానికి తమ వెబ్సైట్, యాప్లో టికెట్ బుకింగ్ సర్వీసెస్ అందుబాటులో లేవని పేర్కొంది. సాధ్యమైనంత త్వరగా సమస్యను పరిష్కరించేందుకు తమ సీఆర్‌ఐఎస్‌ సాంకేతిక బృందం ప్రయత్నిస్తోందని తెలిపింది.
IRCTC B2C Partners : అయితే కేవలం రైల్వే శాఖ అధికారిక వెబ్సైట్ అయిన IRCTCలోనే కాకుండా మార్కెట్లో అందుబాటులో ఉన్న వివిధ రకాల వెబ్సైట్స్, యాప్స్ ద్వారా కూడా సులభంగా ట్రైన్ టికెట్స్ను బుక్ చేసుకోవచ్చు. ఈ విషయం రైళ్లల్లో ప్రయాణం చేసే దాదాపు అందరికి తెలిసినా.. కొందరు వాటిని పెద్దగా వినియోగించుకోరు. ఇదిలా ఉంటే ప్రముఖ కంపెనీలు వినియోగదారుల కోసం టికెట్ బుకింగ్ సేవలను ఇప్పటికే అందుబాటులోకి తెచ్చాయి. వీటి ద్వారా మీ ప్రయాణాలను వాయిదా వేసుకోకుండా బయట పడతారు. అయితే ముఖ్యంగా రైలు టికెట్ బుకింగ్ సేవలను అందిస్తున్న కొన్ని సంస్థలు గురించి ఇప్పుడు తెలుసుకుందాం.
Amazon Train Ticket Booking : ప్రముఖ ఈ-కామర్స్ సంస్థ 'అమెజాన్' తమ వినియోగదారుల కోసం ఎప్పటి నుంచో రైల్వే టికెట్ బుకింగ్ వ్యవస్థను అందుబాటులోకి తెచ్చింది. అందువల్ల అమెజాన్లో ట్రైన్ టికెట్స్ను ఎలా బుక్ చేసుకోవాలో ఇప్పుడు చూద్దాం.
- ముందుగా అమెజాన్ యాప్ను తెరిచి అమెజాన్ పే ట్యాబ్ను సెలెక్ట్ చేయండి.
- అందులో బుక్ టికెట్స్ అనే ఆప్షన్ను ఎంపిక చేసుకొని మీరు వెళ్లాల్సిన ట్రైన్ పేరును ఎంచుకోండి.
- తర్వాత మీరు దిగాల్సిన గమ్యం లేదా స్టేషన్ను సెలెక్ట్ చేయండి.
- బుకింగ్ సమయంలో కావాల్సిన వివరాలను ఎంటర్ చేయండి. ఉదాహరణకు తేదీ, సమయం.
- మీరు ఏసీ తరగతిలో ప్రయాణించాలనుకుంటే గనుక యాప్లో సంబంధిత విభాగాన్ని ఎంచుకోండి.
- ఇక ఇతర ట్రైన్ వివరాల కోసం 'ఫైండ్ ట్రైన్స్' ఆప్షన్ను ఎంపిక చేసుకొని ఫీల్టర్స్ సాయంతో మీకు కావాల్సిన సమాచారాన్న పొందొచ్చు. ఉదాహరణకు అందుబాటులో ఉన్న రైళ్లు, ఏ మార్గం ద్వారా అవి వెళ్తాయి అనే వివరాలను తెలుసుకోవచ్చు.
- అనంతరం మీరు ప్రయాణించాల్సిన ట్రైన్ ఆప్షన్ను సెలెక్ట్ చేసుకోండి.
- జనరల్, సీనియర్ సిటిజన్, లేడీస్ లాంటి కేటగిరీలలో మీరు ఏ కేటగిరీకి చెందుతారో దాన్ని ఎంచుకోవాల్సి ఉంటుంది.
- చివరగా.. ఎంటర్ చేసిన వివరాలను ఒకసారి చెక్ చేసుకొని ప్రొసీడ్ బటన్పై క్లిక్ చేయండి.
- పూర్తి వివరాలు ఎంటర్ చేశాక మీకు సౌకర్యవంతంగా ఉండే పేమెంట్ విధానాన్ని ఎంచుకోవచ్చు.
- అయితే బుకింగ్ సమయంలో ప్రయాణికుడు ఐఆర్సీటీసీ అకౌంట్ ఐడీ, పాస్వర్డ్ వివరాలను కూడా ఇవ్వాల్సి ఉంటుంది. ఒకవేళ మీకు ఈ అకౌంట్ లేకపోతే ఐఆర్సీటీసీ అధికారిక వెబ్సైట్లో క్రియేట్ చేసుకోవచ్చు. ఈ ఆప్షన్ అమెజాన్లోనూ అందుబాటులో ఉంటుంది.
Paytm IRCTC Booking : ప్రముఖ ఫైనాన్షియల్ సర్వీసెస్ సంస్థ పేటీఎం ద్వారా కూడా సులభంగా రైలు టికెట్స్ను బుక్ చేసుకోవచ్చు.
- ముందుగా https://paytm.com/train-tickets వెబ్సైట్ను ఓపెన్ చేయండి.
- మీరు వెళ్లాల్సిన గమ్య స్థానాన్ని తేదీతో సహా ఎంచుకోండి.
- సెర్చ్ బటన్పై క్లిక్ చేయండి. అందుబాటులో ఉన్న ట్రైన్లు, మీకు నచ్చిన సీట్లు, తరగతి, తేదీని సెలెక్ట్ చేసుకోండి.
- బుక్ బటన్పై ట్యాప్ చేయండి. తర్వాత మీ ఐఆర్సీటీసీ లాగిన్ ఐడీని ఎంటర్ చేయండి.
- యాప్లో అడిగే వివరాలన్నీ నింపిన తర్వాత బుక్ బటన్పై క్లిక్ చేయండి.
- చివరగా పేమెంట్ చేసే విధానాన్ని ఎంచుకోండి. డెబిట్, క్రెడిట్, నెట్ బ్యాంకింగ్ లేదా పేటీఎం వ్యాలెట్ ద్వారా కూడా చెల్లింపు చేయవచ్చు. దీంతో మీ ట్రైన్ టికెట్ బుక్ అయిపోతుంది. దీనితోపాటు ట్రావెల్స్ యాప్ మేక్మైట్రిప్లో కూడా రైలు టికెట్స్ను బుక్ చేసుకోవచ్చు.
