Hyundai Exter SUV Bookings : ప్రముఖ కార్ల తయారీ సంస్థ హ్యుందాయ్ మోటార్స్‌ ఇండియా.. తన ఎక్స్టర్ ఎస్యూవీని మార్కెట్లోకి విడుదల చేసేందుకు సన్నాహాలు చేస్తోంది. మరికొద్ది వారాల్లోనే ఈ కారును భారత్ మార్కెట్లో లాంఛ్ చేసేందుకు సంస్థ సిద్ధమైంది. అందుకోసం బుకింగ్స్ ప్రారంభించినట్లు హ్యుందాయ్ సంస్థ సోమవారం ప్రకటించింది. దేశీయ మార్కెట్లో ప్రీ-బుకింగ్లను స్వీకరిస్తున్నట్లు తెలిపిన సంస్థ.. భారత్లో ఉన్న తమ డీలర్ల ద్వారా ఈ సౌకర్యాన్ని పొందవచ్చని పేర్కొంది. రూ.11 వేల టోకెన్తో ఆన్లైన్లోనూ ముందుస్తు బుకింగ్ చేసుకోవచ్చని తెలిపింది.
Hyundai Exter SUV Bookings Features : ఐదు సీట్ల సామర్థ్యం కలిగిన హ్యుందాయ్ ఎక్స్టర్ ఎస్యూవీ.. భారత మార్కెట్లోని ఎంట్రీ-టు మిడ్-లెవల్ వేరియంట్‌లు అయిన టాటా పంచ్, సిట్రోయెన్ సీ3, రెనాల్ట్ కిగర్, నిస్సాన్ మాగ్నైట్ వంటి కార్లతో పోటీ పడనుంది. ఈ ఎస్యూవీని కూడా గ్రాండ్ ఐ10 నియోస్, ఆరా వంటి కార్ల మాదిరిగానే సంస్థ రూపొందించింది. 1.2 లీటర్ల నేచురల్ ఆస్పిరేటెడ్ ఇంజిన్తో.. కంపెనీ దీన్ని తయారు చేసింది. ఐదు ఆటోమేటెడ్ మాన్యువల్ ట్రాన్స్మిషన్ గేర్లు ఇందులో ఉన్నాయి. 84 హార్స్ పవర్ ఇంజిన్తో, 113 న్యూటన్ మీటర్ టార్క్‌ సామర్థ్యంతో ఈ కారు మార్కెట్లోకి విడుదల కానుంది.
హ్యుందాయ్ ఎక్స్టర్ పెట్రోల్తో పాటు సీఎన్జీ వెర్షన్లోనూ వస్తుంది. కారు ఇంటీరియర్ చాలా భాగం.. గ్రాండ్ ఐ10 మాదిరిగానే ఉంటుంది. ఈ కారులో టచ్ స్క్రీన్, యాపిల్ కార్ప్లే, ఆండ్రాయిడ్ ఆటో కంపాటబిలిటీ సౌకర్యాలు ఉన్నాయి. అదే విధంగా.. మౌంటెడ్ కంట్రోల్తో మల్టీఫంక్షనల్ స్టీరింగ్ వీల్స్, సెమీ డిజిటల్ ఇన్స్ట్రుమెంట్ క్లస్టర్, మల్టిపుల్ ఎయిర్‌బ్యాగ్‌లు కూడా ఇందులో ఉన్నాయి. EX, S, SX, SX(O), SX(O)కనెక్ట్.. వంటి ఐదు వెరియంట్లలో ఈ కారు అందుబాటులో ఉంటుంది. కాస్మిక్ బ్లూ, రేంజర్ ఖాకీ అనే రెండు కొత్త రంగులు సహా మరికొన్ని స్పెషల్ కలర్లతో.. 6 సింగిల్-టోన్, 3 డ్యూయల్-టోన్ పెయింట్ స్కీమ్‌లలో ఎక్స్టర్ను హ్యుందాయ్ సంస్థ తీసుకొస్తోంది.
భారత్లో విడుదల కానున్న కొత్త కార్లు.. ధర రూ.10 లక్షల లోపే..
Upcoming Compact SUVs : మరికొద్ది రోజుల్లో భారత మార్కెట్లోకి సరికొత్త కార్లు విడుదల కానున్నాయి. ఇప్పుడున్న కార్లకే కొత్తగా మార్పులు చేసి.. పలు కంపెనీలు మార్కెట్లోకి విడుదల చేస్తున్నాయి. వాటి ధర కేవలం రూ.10 లక్షల లోపే ఉండనున్నాయి. ఆ కార్లకు సంబంధించిన పూర్తి వివరాలు ఇప్పుడు తెలుసుకుందాం.
టాటా నెక్సాన్ ఫేస్లిఫ్ట్..
Tata Nexon Facelift : ఇప్పుడున్న నెక్సాన్ మోడల్కే కాస్త మార్పులు చేసి.. టాటా కంపెనీ ఈ కారును విడుదల చేయనుంది. ప్రస్తుతం ఈ కారు ప్రయోగ దశలో ఉంది. 2023 ఆగస్టులో ఈ కారును.. సంస్థ మార్కెట్లో తీసుకువచ్చే అవకాశాలు ఉన్నాయి. 1.2 లీటర్ డీఐ టర్బో ఛార్జ్డ్ పెట్రోల్ ఇంజిన్తో.. 125 హార్స్ పవర్, 225 న్యూటన్ మీటర్ టార్క్‌ సామర్థాన్ని ఈ కారు కలిగి ఉంటుంది. అదే విధంగా 10.25 అంగుళాల టచ్‌స్క్రీన్ ఇన్ఫోటైన్‌మెంట్ సౌకర్యం ఇందులో ఉంది.
టాటా పంచ్ సీఎన్జీ..
Tata Punch CNG : 2023 ఆటో ఎక్స్పోలో.. టటా సంస్థ ఆల్ట్రోజ్‌ సీఎన్జీ కారుతో పాటు ఈ మోడల్ కారును కూడా ఆవిష్కరించింది. ఈ కారును సంస్థ మే నెలలోనే లాంఛ్ చేసే అవకాశాలు ఉన్నాయి. డెలివరీలు కూడా త్వరలోనే జరగనున్నాయి. 1.2 లీటర్ల నాచురల్ ఆస్పిరేటెడ్ ఇంజిన్తో మూడు సిలిండర్లు, రెండు ఇంధన ట్యాంక్లను కారు కలిగి ఉంటుంది. ఐదు-స్పీడ్ మాన్యువల్ ట్రాన్స్మిషన్ గేర్లు ఈ కారులో ఉంటాయి.
కియా సోనెట్ ఫేస్లిఫ్ట్..
Kia Sonet Facelift : సోనెట్ మోడల్ కారుకే కొన్ని మార్పులు చేసి తిరిగి కొత్తగా రూపొందించింది కియా కంపెనీ. కొద్ది వారాల క్రితమే మొదటి సారిగా ఈ కారుకు సంబంధించిన కొన్ని ఫొటోలు ఇంటర్నెట్లో కనిపించాయి. ప్రపంచవ్యాప్తంగా 2023 చివర్లో గానీ.. లేదంటే 2024 మొదట్లో గానీ మార్కెట్లోకి ఈ కారు విడుదలయ్యే అవకాశాలు ఉన్నాయి. కియా సోనెట్ ఫేస్లిఫ్ట్ భారత్లో 2024లో విడుదల కావచ్చు.
