Bank Holidays In September 2023 : రిజర్వ్ బ్యాంక్ ఆఫ్ ఇండియా ప్రకారం, సెప్టెంబర్ చివరి వారంలో 4 రోజులు బ్యాంకులకు సెలవు. కనుక బ్యాంక్ పనులు ఉన్నవారు, వీలైనంత వరకు త్వరగా తమ పనులు చేసుకోవడం మంచిది.
పండుగ సెలవులు!
Festivals In September 2023 : సెప్టెంబర్ నెలలో దాదాపు 16 రోజులు బ్యాంకులకు సెలవు దినాలుగా ఉన్నాయి. వీటిలో ఆదివారాలు, రెండవ, నాల్గవ శనివారం సెలవులు కూడా కలిసి ఉన్నాయి. అయితే సెప్టెంబర్ చివరి వారంలో 4 బ్యాంక్ హాలీడేస్ ఉన్నాయి. ఇవన్నీ ఆయా రాష్ట్రాల్లోని పండుగలను అనుసరించి వచ్చిన సెలవులు.
బ్యాంకింగ్ సేవలు ఆగవు!
దేశంలోని వివిధ రాష్ట్రాల్లో లేదా నగరాల్లో పండగులు ఉన్నప్పటికీ, బ్యాంక్ బ్రాంచ్లు మాత్రం పనిచేస్తాయి. ఒక వేళ బ్యాంకులు పనిచేయకపోయినా, ఆన్లైన్ బ్యాంకింగ్ సర్వీసులు మాత్రం కచ్చితంగా పనిచేస్తాయి. అందువల్ల ఆర్థిక లావాదేవీలు, బ్యాలెన్స్ చెకింగ్ సహా ఇతర ముఖ్యమైన బ్యాంకింగ్ కార్యక్రమాలకు ఎలాంటి ఇబ్బంది ఏర్పడదు.
ఆర్బీఐ సెలవులను ఎలా ప్రకటిస్తుంది?
హాలీడే అండర్ నెగోషియబుల్ ఇన్స్ట్రుమెంట్స్ యాక్ట్; హాలీడే అండర్ నెగోషియబుల్ ఇన్స్ట్రుమెంట్స్ యాక్ట్ అండ్ రియల్ టైమ్ గ్రాస్ సెటిల్మెంట్ హాలీడే; బ్యాంక్స్ క్లోజింగ్ ఆఫ్ అకౌంట్స్.. ఆధారంగా రిజర్వ్ బ్యాంక్ ఆఫ్ ఇండియా బ్యాంకులకు సెలవులు ప్రకటిస్తుంది.
రాష్ట్రానికి రాష్ట్రానికి సెలవులు మారతాయి!
వాస్తవానికి అన్ని రాష్ట్రాల్లోనూ ఒక విధంగా సెలవులు ఉండవు. జాతీయ, ప్రాంతీయ పండుగలు ఆధారంగా ఆయా రాష్ట్రాల్లో బ్యాంకులకు సెలవులు ఉంటాయి. ఈ విషయాన్ని ప్రతి ఒక్కరూ కచ్చితంగా గుర్తించుకోవాలి.
సెప్టెంబర్ చివరి వారంలోని బ్యాంక్ సెలవులు!
List Of Bank Holidays In September 2023 :
- సెప్టెంబర్ 25 : శ్రీమంత శంకర్దేవ్ జన్మోత్సవం సందర్భంగా అసోంలోని అన్ని బ్యాంకులకు సెలవులు ప్రకటించారు.
- సెప్టెంబర్ 27 : మిలాద్-ఇ-షెరీఫ్ అంటే ముహమ్మద్ ప్రవక్త జన్మదినం. అందువల్ల జమ్ము, కేరళ రాష్ట్రాల్లోని బ్యాంకులకు సెలవులు ఇవ్వడం జరిగింది.
- సెప్టెంబర్ 28 : ఈద్-ఇ-మిలాద్/ ఈద్-ఇ-మీలాదున్నబి/ బారావఫత్ అంటే ప్రవక్త మొహమ్మద్ పుట్టిన రోజు. అందుకే ఈ రోజున గుజరాత్, మిజోరం, మహారాష్ట్ర, కర్ణాటక, తమిళనాడు, ఉత్తరాఖండ్, తెలంగాణ, మణిపుర్, ఉత్తరప్రదేశ్, దిల్లీ, ఛత్తీస్ఘర్, ఝార్ఖండ్ రాష్ట్రాల్లోని బ్యాంకులకు సెలవు.
- సెప్టెంబర్ 29 : ఇంద్రజాత్ర/ ఈద్-ఇ-మిలాద్-ఉత్-నబీ సందర్భంగా జమ్ము, శ్రీనగర్, సిక్కిం రాష్ట్రాల్లోని బ్యాంకులకు సెలవు.
