మధ్యప్రదేశ్ గ్వాలియర్ జిల్లాలో జోరాసిలో బస్సు బోల్తా కొట్టింది. ఈ ఘటనలో ముగ్గురు వలస కూలీలు మరణించారు. మరో 24 మంది గాయపడ్డారు. క్షతగాత్రులను జిల్లా కేంద్రంలోని జయారోగ్య ఆసుపత్రికి తరలించారు. దిల్లీ నుంచి ఛతర్పుర్, టికమ్గఢ్ ప్రాంతాలకు ప్రయాణికులను తీసుకెళ్తుండగా ఈ ప్రమాదం జరిగింది.
మద్యం సేవించి డ్రైవింగ్
కరోనా వేళ దిల్లీలో వారం రోజులు లాక్డౌన్ విధించిన నేపథ్యంలో వలస కూలీలు సొంతూళ్లకు పయనమయ్యారు. ఈ క్రమంలోనే బస్సు ప్రమాదానికి గురైంది. అయితే బస్సు సామర్థ్యానికి మించి ప్రయాణికులను ఎక్కించడం వల్లే ఈ ప్రమాదం జరిగిందని.. తాము ఎంత చెప్పినా డ్రైవర్ వినలేదని చెబుతున్నారు. అంతేకాకుండా డ్రైవర్.. మద్యం సేవించి బస్సు నడిపినట్లు ఆరోపించారు.
ఇదీ చూడండి: కొవిడ్ మృతదేహాల కోసం పడిగాపులు!
