Brother Raped Sisters: ఝార్ఖండ్లోని లోహర్దగా జిల్లాలో అమానుష ఘటన వెలుగు చూసింది. చెల్లెళ్లకు రక్షణగా ఉండాల్సిన సోదరుడే వారిపై గత మూడేళ్లుగా అత్యాచారానికి పాల్పడ్డాడు. అంతేకాదు.. అడ్డువచ్చిన తల్లిపై కూడా అఘాయిత్యం చేసేందుకు ప్రయత్నించాడు. ఈ ఘటనపై కేసు నమోదు చేసిన పోలీసులు నిందితుడిని అరెస్ట్ చేశారు.
పోలీసుల వివరాలు ప్రకారం.. గత మూడేళ్లుగా మైనర్లు అయిన తన ఇద్దరి చెల్లెళ్లపై నిందితుడు అత్యాచారానికి పాల్పడేవాడు. ఇటీవల మరోసారి అత్యాచారానికి ప్రయత్నించగా ప్రతిఘటించిన బాధితురాళ్లు తల్లికి ఈ విషయాన్ని చెప్పారు. ఈ క్రమంలో తల్లిపై కూడా అత్యాచారానికి ప్రయత్నించాడు ఆ కామాంధుడు. ఈ విషయంపై స్థానిక పోలీసులకు తల్లి ఫిర్యాదు చేయడం వల్ల పోక్సో చట్టం కింద నిందితుడిపై కేసు నమోదు చేసి అరెస్ట్ చేశారు.
Rape Victim News: కర్ణాటకలోని యాదగిరి జిల్లాలో ఆటోలో ప్రయాణిస్తున్న యువతిపై డ్రైవర్, అతని స్నేహితుడు అత్యాచారానికి పాల్పడ్డారు. మంగళవారం జరిగిన ఈ ఘటన ఆలస్యంగా వెలుగులోకి వచ్చింది. ఇందుకు సంబంధించి కేసు నమోదు చేసిన పోలీసులు నిందితులను అరెస్ట్ చేశారు. వారిని అదే ప్రాంతానికి చెందిన హనుమంత్, నర్సప్పగా గుర్తించారు.
పోలీసుల వివరాల ప్రకారం.. యాదగిరి పట్టణం నుంచి ఆటోలో ఇంటికి వెళ్తున్న యువతిని.. ఆ ఆటో డ్రైవర్ నిర్మానుష్య ప్రాంతానికి తీసుకెళ్లాడు. ఆ సమయంలో అతని స్నేహితుడు కూడా ఉన్నాడు. తనను వదిలేయమని యువతి ప్రాధేయపడినా వినకుండా ఆమెపై నిందితులు సామూహిక అత్యాచారానికి పాల్పడ్డారు. ఇదంతా వీడియో తీశారు. ఈ విషయం ఎవరికైనా చెప్తే చంపేస్తామంటూ బెదిరించారు. బాధితురాలు ఈ విషయాన్ని తల్లిదండ్రులకు చెప్పగా.. వారు స్థానిక పోలీసులకు ఫిర్యాదు చేశారు. పోలీసులు నిందితులను అరెస్ట్ చేశారు. వారి ఆటోను స్వాధీనం చేసుకున్నారు.
టెంపో డ్రైవర్ అత్యాచారం..: మంగళవారం మహారాష్ట్ర ముంబయిలో మరో అత్యాచార ఘటన జరిగింది. చాక్లెట్ ఇప్పిస్తానని ఆశచూపి ఓ ఏడేళ్ల బాలికను నిర్మానుష్య ప్రదేశానికి తీసుకెళ్లిన టెంపో డ్రైవర్ ఆమెపై అత్యాచారానికి పాల్పడ్డాడు. అనంతరం ఆమెను అక్కడ వదిలేసి పరారయ్యాడు. బాలిక ఏడుస్తుండటం గమనించిన ఓ స్థానికుడు పోలీసులకు సమాచారం అందించాడు. బాలిక చెప్పిన వివరాల ప్రకారం కేసు నమోదు చేసిన పోలీసులు సీసీటీవీ ఆధారంగా నిందితుడు సచిన్ షమాను అరెస్ట్ చేశారు.
రాజస్థాన్లో..: మరిది కళ్ల ముందే వదిన సామూహిక అత్యాచారానికి గురైన ఘటన రాజస్థాన్లోని భరత్పుర్ జిల్లాలో వెలుగుచూసింది. పుట్టింటి నుంచి వదినను ఇంటికి తీసుకువస్తున్న మరిదిని ఘట్మిక అడవి ప్రాంతంలో ఆరుగురు దుండగులు అడ్డగించారు. మరిదిపై తుపాకీ ఎక్కుపెట్టి బెదిరింపులకు పాల్పడ్డ దుండగులు.. అతని వెంట వచ్చిన వదినపై సామూహిక అత్యాచారం చేశారు. ఈ దారుణం మంగళవారం రాత్రి సుమారు తొమ్మిది గంటలకు జరిగింది. ఈ ఘటనపై కేసు నమోదు చేసిన పోలీసులు పరారీలో ఉన్న నిందితుల కోసం గాలిస్తున్నారు.
మరోవైపు.. ఒడిశా భువనేశ్వర్లోని లస్మీసాగర్లో ఓ విషాద ఘటన జరిగింది. చింతమనీశ్వర్ ప్రాంతంలో నివాసం ఉంటున్న మహారాష్ట్రకు చెందిన దంపతులు తమ 15 నెలల చిన్నారితో పాటు ఆత్మహత్య చేసుకున్నారు. తొలుత చిన్నారిని చంపిన ఆ తర్వాత వారిద్దరూ కూడా ఊరి వేసుకున్నారని పోలీసులు భావిస్తున్నారు. ఘటనాస్థలానికి చేరుకునేసరికి ఇంట్లో ముగ్గురి మృతదేహాలు వేలాడుతూ కనిపించాయని తెలిపారు.
మృతులను.. తుషార్ రాజేంద్ర జగతబ్, నీలా తుషార్ జగతబ్, సిబినయాగా గుర్తించారు పోలీసులు. స్థానికుల వివరాల ప్రకారం.. మొదటి భార్య మృతిచెందిన నేపథ్యంలో నీలా తండ్రి ఇటీవల రెండో వివాహం చేసుకుని ఆస్తిని అంతా ఆమెకు రాసిచ్చాడని.. దీనిపై భార్యభర్తల మధ్య గొడవ జరిగిందని పోలీసులు తెలిపారు. ఇదే ఈ దుర్ఘటనకు కారణమయ్యే అవకాశం ఉందని పేర్కొన్నారు.
ప్రేమించమని చేసిన ప్రపోజ్లను తిరస్కరించినందుకు యువతిపై యాసిడ్ దాడికి పాల్పడ్డాడు ఓ వ్యక్తి. ఈ ఘటన కర్ణాటకలోని బెంగళూరులో గురువారం జరిగింది. తీవ్రంగా గాయపడిన యువతిని స్థానికులు ఆసుపత్రికి తరలించారు. పరారీలో ఉన్న నిందితుడు నగేశ్ కోసం పోలీసులు గాలిస్తున్నారు.
ఇదీ చూడండి : 'రాష్ట్రపతిని కాను.. అయితే ప్రధాని.. లేదంటే యూపీ సీఎం!'
