భారత్లో కరోనా కేసుల సంఖ్య తగ్గుతోంది. గడిచిన ఏడు వారాలుగా కొవిడ్ కేసుల నమోదులో క్షీణత కనిపిస్తుందని ఆరోగ్య మంత్రిత్వశాఖ తెలిపింది. రికవరీ రేటు 92శాతానికి చేరువైనట్లు వెల్లడించింది. అయితే కొన్ని రాష్ట్రాల్లో కొవిడ్ బాధితులు పెరుగుతున్నారు. ముఖ్యంగా కేరళ, దిల్లీ, కర్ణాటక, రాజస్థాన్ సహా పలు రాష్ట్రాల్లో భారీగా వైరస్ కేసులు వెలుగు చూస్తున్నాయి.
కేరళలో కరోనా విలయం కొనసాగుతోంది. కొత్తగా 6,862 కేసులు నమోదయ్యాయి. మరో 26 మంది కొవిడ్ ధాటికి బలయ్యారు. ఫలితంగా మొత్తం కేసుల సంఖ్య 4 లక్షల 50 వేలకు చేరువైంది.
దిల్లీలో వైరస్ విజృంభణ
దిల్లీలో కరోనా మళ్లీ ఉగ్రరూపం దాల్చుతోంది. తాజాగా 6,725 మందికి కరోనా పాజిటివ్గా తేలింది. దీంతో మొత్తం కేసుల సంఖ్య 4 లక్షల 3 వేలు దాటింది. మరో 68 మంది మహమ్మారికి బలయ్యారు.
- కర్ణాటకలో ఒక్కరోజే 2,756 మందికి వైరస్ సోకింది. మరో 26 మంది చనిపోయారు. దీంతో మొత్తం బాధితుల సంఖ్య 8 లక్షల 32 వేలు దాటింది.
- రాజస్థాన్లో తాజాగా 1,725 మంది కరోనా బారిన పడ్డారు. 10మంది మరణించారు. ఫలితంగా మొత్తం కేసుల సంఖ్య 2 లక్షల 2 వేలు దాటింది.
- గుజరాత్లో కొత్తగా 945 కేసులు నమోదవగా.. ఆరుగురు కరోనాతో మృతి చెందారు. మొత్తం కేసులు లక్షా 75 వేల 396కు చేరాయి.
- జమ్ముకశ్మీర్లో కొత్తగా 478 మందికి కరోనా సోకింది.
ఇదీ చూడండి: మధ్యప్రదేశ్ మినహా ప్రశాంతంగానే 'ఉప'పోరు
