ఆంధ్ర యువ ఆటగాడు షేక్ రషీద్ ఐపీఎల్లోకి ఎంట్రీ ఇవ్వబోతున్నాడు. శుక్రవారం(డిసెంబర్ 23) జరిగిన మినీ వేలంలో రషీద్‌ను చెన్నై సూపర్ కింగ్స్ అతడిని రూ.20 లక్షలకు కొనుగోలు చేసింది. ఆంధ్రా ప్రీమియర్ లీగ్‌-2022లో అద్భుతంగా రాణించిన అతడు.. 2022 అండర్-19 ప్రపంచకప్‌ను గెలుచుకున్న యువ భారత జట్టుకు రషీద్ వైస్‌ కెప్టెన్‌గానూ వ్యవహరించాడు. అలా అతడు తన ప్రతిభతో ప్రాంఛైజీల దృష్టిని ఆకర్షించాడు.
దీంతో ఐపీఎల్-2023 మినీ వేలంలో మాత్రం రషీద్ కల నెరవేరింది. ఏకంగా మెగాలీగ్లో మేటి జట్టైన చెన్నై సూపర్ కింగ్స్ చేతిలో పడ్డాడు. దీంతో సీఎస్కేతో తన ఐపీఎల్ కెరీర్‌ను మొదలపెట్టనున్నాడు. ధోనీ వంటి దిగ్గజ ఆటగాళ్లతో డ్రెస్సింగ్‌ రూంను షేర్‌ చేసుకోబోతున్నాడు. ఈ నేపథ్యంలో రషీద్ గురించి పలు ఆసక్తికర విషయాలు తెలుసుకుందాం.
- 18 ఏళ్ల షేక్ రషీద్ ఆంధ్రప్రదేశ్‌లోని గుంటూరులో ఒక మధ్య తరగతి కుటంబంలో జన్మించాడు.
- చిన్నతనం నుంచే క్రికెట్‌పై మక్కువ ఎక్కువ. ఈ క్రమంలో తొమ్మిదేళ్లకే అండర్-14 క్రికెట్‌లో అరంగేట్రం చేశాడు.
- 2022 అండర్-19 ప్రపంచకప్‌ను గెలుచుకున్న భారత జట్టులో సభ్యుడిగా ఉన్నాడు.
- ఈ 2022 అండర్ 19 ప్రపంచకప్ ఫైనల్లో ఇంగ్లాండ్పై 84 బంతుల్లో హాఫ్ సెంచరీ చేసి.. భారత్‌ టైటిల్‌ గెలవడంలో కీలక పాత్ర పోషించాడు.
- మొత్తంగా ఈ మెగాటోర్నీలో నాలుగు ఇన్నింగ్స్లో 50.25యావరేజ్తో 201 రన్స్ చేశాడు. అందులో రెండు అర్ధశతకాలు ఉన్నాయి.
- ఏపీఎల్ 2022లో ఐదు ఇన్నింగ్స్లో 159 రన్స్ చేసి రాయాలసీమ కింగ్స్ తరఫున ఎక్కువ పరుగులు చేసిన ఆటగాడిగా కొనసాగుతున్నాడు.
- దేశీవాళీ క్రికెట్‌లో కూడా రషీద్ ఎంట్రీ ఇచ్చాడు.
- ఈ ఏడాది జరిగిన సయ్యద్ ముస్తాక్ అలీ ట్రోఫీలో ఆంధ్ర తరపున అరంగేట్రం చేశాడు. నాగలాండ్ జట్టుపై 37 పరుగులు చేశాడు.
ఇదీ చూడండి: అది అయ్యర్ అంటే భలే సమాధానమిచ్చాడుగా!
