How To Get Personal Loan Without Cibil Score : కష్టసమయాల్లో, డబ్బు అత్యవసరమైన సందర్భాల్లో పర్సనల్ లోన్లు చాలా ఉపయోగకరంగా ఉంటాయి. అయితే అలాంటి సమయాల్లో తక్షణమే పర్సనల్ లోన్ పొందాలంటే సిబిల్ స్కోర్ అవసరం అవుతుంది. సాధారణంగా రుణం ఇచ్చే ఏ బ్యాంక్ అయినా ముందుగా పరిశీలించేది క్రెడిట్ హిస్టరీనే. గతంలో మీరు తీసుకున్న రుణం వివరాలు, మీ గత చెల్లింపుల చరిత్ర క్రెడిట్స్కోర్లో ఉంటాయి. ఒక వేళ మంచి క్రెడిట్ స్కోర్ ఉన్నట్లయితే మీకు బ్యాంకులు సులభంగా రుణాలు ఇస్తాయి. కానీ సిబిల్ స్కోర్ లేకున్నా కూడా పర్సనల్ లోన్ ఎలా పొందవచ్చో ఇప్పుడు చూద్దాం.
ప్రీ-అప్రూవ్డ్ లోన్స్
మీకు ఏదైనా బ్యాంకులో సాలరీ అకౌంట్ ఉన్నా, లేదంటే ఏదైనా NBFCలో ఖాతా ఉన్నా, మీకు సులభంగా పర్సనల్ లోన్ లభించే అవకాశం ఉంటుంది. ఎందుకంటే, మీ ఆర్థిక లావాదేవీల గురించిన రికార్డులు, వివరాలు వాటి దగ్గర ఉంటాయి. కనుక మీకు సరైన ట్రాక్ రికార్డ్ ఉంటే, రుణ సంస్థలు ప్రీ-అప్రూవ్డ్ లోన్స్ అందిస్తాయి. ఇందుకోసం సాధారణంగా CIBIL స్కోర్ అవసరం ఉండదు. పైగా లోన్ ప్రాసెస్ కూడా వేగంగా జరుగుతుంది.
మల్టిపుల్ లెండర్స్ను సంప్రదించండి!
సంప్రదాయ బ్యాంకులు ఎక్కువగా సిబిల్ స్కోర్ ఆధారంగానే రుణాలు మంజూరు చేస్తుంటాయి. అయినప్పటికీ నాన్- బ్యాంకింగ్ ఫైనాన్సియల్ సంస్థలు (NBFC) సహా, ఆన్లైన్ బుణదాతలు, ప్రైవేట్ రుణదాతలు ప్రస్తుత కాలంలో కొన్ని నామమాత్రపు షరతులతో రుణాలను మంజూరు చేస్తున్నారు. ఈ సంస్థలు క్రెడిట్ స్కోర్తో సంబంధం లేకుండా సదరు వ్యక్తి ఆదాయం, పనిచేస్తున్న సంస్థ వివరాలు, బ్యాంకింగ్ చెల్లింపుల వివరాలను పరిగణనలోకి తీసుకొని ఇవి రుణాలు ఇస్తాయి.
కో-అప్లికెంట్ ద్వారా
సిబిల్ స్కోర్ లేకున్నా, పర్సనల్ లోన్ పొందేందుకు మరో మార్గం ఉంది. ఎవరైనా మంచి క్రెడిట్ స్కోర్ ఉన్న వ్యక్తితో కలిసి, ఉమ్మడిగా పర్సనల్ లోన్కు దరఖాస్తు చేయడం వల్ల మీరు సులభంగా రుణం పొందవచ్చు. ఒక వేళ మీరు తీసుకున్న లోన్ సకాలంలో తిరిగి చెల్లించలేకపోతే, మీ తోటి దరఖాస్తుదారుడు చెల్లిస్తారని బ్యాంకులు నమ్ముతాయి.
స్థిరమైన ఆదాయ వనరులు!
క్రెడిట్ స్కోర్ లేకున్నా, మీకు స్థిరమైన ఆదాయం వస్తోందని నిరూపిస్తే, ఫైనాన్సియల్ సంస్థలు మీకు రుణాలు మంజూరు చేసే అవకాశం ఉంది. ఇందుకోసం మీ బ్యాంక్ స్టేట్మెంట్లు, ఆదాయపన్ను రిటర్నులు, ఆదాయ నివేదికలను సమర్పించాల్సి ఉంటుంది.
ఆర్థిక క్రమశిక్షణ - బాధ్యత!
రుణ సంస్థలు ప్రధానంగా మీరు అర్థిక క్రమశిక్షణ కలిగి ఉన్నారా? లేదా? అనే విషయాన్ని చూస్తాయి. భవిష్యత్ అవసరాల కోసం పొదుపు చేస్తున్నారా? సమయానికి బిల్లులు చెల్లిస్తున్నారా? తెలివిగా ఖర్చులు చేస్తున్నారా? అనే విషయాలను పరిశీలిస్తాయి. ఈ అంశాలన్నింటినీ దృష్టిలో ఉంచుకునే మీకు పర్సనల్లోన్ ఇవ్వాలా? వద్దా? అనే విషయాన్ని నిర్ణయిస్తాయి.
పర్సనల్ లోన్లను కొన్ని బ్యాంకింగేతర సంస్థలు కూడా ఇస్తున్నాయి. ఉదాహరణకు బజాజ్ ఫైనాన్స్ లాంటి సంస్థలు ఎలాంటి సిబిల్ స్కోర్ లేకున్నా పర్సనల్ లోన్ అందిస్తాయి. అలాంటి వాటికి మీరు అప్లై చేసుకుని రుణాలు పొందవచ్చు.
క్రెడిట్ స్కోర్ తగ్గిందా? ఈ సింపుల్ టిప్స్తో పెంచుకోండిలా!
మీ క్రెడిట్ స్కోర్ తెలుసుకోవాలా? పాన్ కార్డ్తో సింపుల్గా చెక్ చేసుకోండిలా!
