Wife Killed Husband In Nalgonda : తిప్పర్తి మండలంలోని అనిశెట్టి దుప్పలపల్లిలో ఈ నెల 17 న జరిగిన వ్యక్తి హత్య కేసును పోలీసులు ఛేదించారు. పోలీసులు వివరాల ప్రకారం తన భర్త వివాహేతర సంబంధానికి అడ్డు వస్తునాడని ప్రియుడుతో పాటు మరో ముగ్గురు కిరాయి వ్యక్తులతో కలిసి తన భర్తనే హత్య చేయించింది ఓ మహిళ. ఈ ఘటన నల్గొండలో జరిగింది. ఈ మేరకు కేసుకు సంబంధించిన వివరాలను డీఎస్పీ వివరించారు.
పోలీసులు తెలిపిన వివరాల ప్రకారం
తన ఇంటి పక్కనే ఉన్న వైన్షాప్లో పనిచేసే సతీశ్తో నవ్య అనే వివాహితకు పరిచయం ఏర్పడింది. అది కాస్త ప్రేమగా మారి అక్రమ సంబంధానికి దారితీసింది. ఈ విషయం ఆమె భర్త వనం ఈశ్వర్కు తెలియడంతో భార్యను మందలించాడు. దీంతో వారిద్దరి మధ్య గొడవలు జరుగుతున్నాయి. ఈ క్రమంలోనే పెద్దమనుష్యుల సమక్షంలో సతీశ్ను నవ్య భర్త అయిన వనం ఈశ్వర్ మందలించాడు. అయినా సతీశ్ ప్రవర్తన మార్చుకోకుండా అమెతో వివాహేతర సంబంధం కొనసాగిస్తున్నాడు. దీంతో విసుగు చెందిన వనం ఈశ్వర్ తన భార్య అయిన నవ్యపై చేయిచేసుకున్నారు.
Woman Killed Her Husband : భర్త తనను కొడుతున్నాడని అతడిని ఎలాగైనా వదిలించుకోవాలని చెప్పి ఏదో ఒకటి చేయాలని సతీశ్కు సూచించింది. ఈ క్రమంలోనే ఏం చేద్దామని నవ్యకు సతీశ్ అడగ్గా చంపేద్దామని ఇద్దరూ ఏకాభిప్రాయానికి వచ్చారు. చంపాలంటే ఖర్చు అవుతుందని నవ్యతో సతీశ్ చెప్పగా తన వద్ద ఉన్న పుస్తెలతాడును ఇచ్చింది. ఒక పథకం రచించి దీనిని అమలు చేసేందుకు మిర్యాల గూడకు చెందిన నక్కా వీరాస్వామిని సంప్రదించాడు సతీశ్. ముగ్గురు మాట్లాడుకుని నవ్య భర్తను చంపేందుకు ప్రణాళిక రచించారు. దనావత్ హనుమ, దనావత్ సాయిలను సంప్రదించి ఈశ్వర్ను చంపేందుకు పథకం రచించారు.
నవ్య భర్త ఈశ్వర్తో వీరాస్వామి పరిచయం పెంచుకున్నాడు. ప్లాన్లో భాగంగా సూర్యపేటలో కారు తీసుకుని నల్గొండ వెళ్దామని తీసుకువెళ్లారు. అప్పటికే అనుకున్న ప్రకారంతో దనావత్ హనుమ, సాయి అక్కడకు వచ్చి బీరు బాటిల్ తీసుకుని కారులోనే అక్కడ తాగారు. వెనక కూర్చుని ఉన్న దనావత్ హనుమ, సాయిలు ఇద్దరు కలిసి ఈశ్వర్ మెడకు తాడుతో మెడకు చుట్టి చంపేశారు. వీరాస్వామి, హనుమ, సాయిలు కలిసి ఆ ప్రదేశానికి దగ్గర్లోనే ఉన్న ఒక బావిలో పడవేశారు. దీనిపై కేసు నమోదు చేసుకున్న పోలీసులు దర్యాప్తు చేపట్టి తమదైన శైలిలో విచారించారు.
"హత్యకు పాల్పడిన ఐదుగురు నిందితులను అరెస్ట్ చేసి రిమాండ్కు తరలించాం. నిందితుల నుండి 2 ద్విచక్ర వాహనాలు, ఐదు మొబైల్లు, రెండు తులాల పుస్తెల తాళి, ఒక కారు , కొంత నగదు స్వాధీనం చేసుకున్నాం" - శివరాం రెడ్డి, డీఎస్పీ, నల్గొండ
ఇబ్రహీంపట్నంలో పరువు హత్య - ప్రేమ వ్యవహారం నచ్చక కుమార్తెను కొట్టి చంపిన తల్లి
సెల్ఫోన్ కోసం నానమ్మను హత్య చేసిన మనవడు - మృతదేహాన్ని ఇంట్లోనే పూడ్చేశాడు
