TS SSC Supplementary Exams Date 2024 : తెలంగాణలో పదో తరగతి ఫలితాలు వెల్లడయ్యాయి. మార్చి 18 నుంచి ఏప్రిల్ 2 వరకు జరిగిన పరీక్షలకు రాష్ట్రవ్యాప్తంగా మొత్తం 5 లక్షల 5 వేల 813 మంది హాజరు కాగా, వారిలో 91.31 శాతం మంది ఉత్తీర్ణులైనట్లు విద్యాశాఖ ముఖ్య కార్యదర్శి బుర్రా వెంకటేశం ప్రకటించారు. బాలురు 89.42 శాతం మంది పాస్ కాగా, బాలికలు 93.23 శాతం ఉత్తీర్ణత సాధించి ముందంజలో నిలిచారు. ఇంగ్లీష్ మీడియంలో 93.74 శాతం మంది ఉత్తీర్ణత సాధించగా, తెలుగులో పరీక్ష రాసిన వారిలో 80.71 శాతం మంది మాత్రమే పాస్ కావడం గమనార్హం.
ఈసారి టెన్త్ ఫలితాల్లో జడ్పీ పాఠశాలలు, గురుకులాలు సత్తా చాటాయి. రాష్ట్రవ్యాప్తంగా మొత్తం 3,297 సూల్స్వంద శాతం పాస్ పర్సెంటేజ్ సాధించగా, అందులో 1,347 జడ్పీ స్కూల్స్ , 1,77 కేజీబీవీలు, 142 బీసీ వెల్ఫేర్ పాఠశాలలు ఉండటం గమనార్హం. రాష్ట్రవ్యాప్తంగా 6 పాఠశాలలు 'సున్న' ఉత్తీర్ణతను సాధించాయి. వాటిలో 4 ప్రైవేట్వి కాగా, మరో 2 ఎయిడెడ్ పాఠశాలలు ఉన్నాయి. ఇక జిల్లాల వారీగా చూస్తే 99.05 శాతం ఉత్తీర్ణతతో నిర్మల్ మొదటి స్థానంలో నిలవగా, సిద్దిపేట ఆ తర్వాతి స్థానంలో, 65.10 శాతంతో వికారాబాద్ ఆఖరి స్థానంలో నిలిచాయి.
పదో తరగతి ఫలితాలు విడుదల - మళ్లీ బాలికలదే హవా - TELANGANA SSC RESULTS RELEASED 2024
జూన్ 3 నుంచి సప్లిమెంటరీ పరీక్షలు : ఫలితాలు వెల్లడైన నేపథ్యంలో సప్లిమెంటరీ పరీక్షలు, రీ కౌంటింగ్, రీ వెరిఫికేషన్లపై విద్యా శాఖ స్పష్టతనిచ్చింది. జూన్ 3 నుంచి 13 వరకు అడ్వాన్స్డ్ సప్లిమెంటరీ పరీక్షలను నిర్వహించనున్నట్టు వెల్లడించింది. ఉదయం 9.30 గంటల నుంచి మధ్యాహ్నం 12.30 వరకు పరీక్షలు జరుగుతాయని విద్యాశాఖ ముఖ్య కార్యదర్శి బుర్రా వెంకటేశం తెలిపారు. ఇదే సమయంలో నేటి నుంచి 15 రోజుల పాటు రీ కౌంటింగ్, రీ వెరిఫికేషన్కు అవకాశం కల్పిస్తున్నామన్న ఆయన, మే 16లోపు పాఠశాల ప్రధానోపాధ్యాయుల వద్ద ఫీజు చెల్లించవచ్చని సూచించారు. రీకౌంటింగ్కు రూ.500, రీ-వెరిఫికేషన్కు రూ.1000 చెల్లించాలని స్పష్టం చేశారు.
ఇంటర్ విద్యార్థులకు అలర్ట్ - మే 24 నుంచి సప్లిమెంటరీ పరీక్షలు - TS Inter Supplementary Exam 2024
