Vijay Devarakonda Pooja Hegde Dance : గతేడాది ఖుషి సినిమాతో ప్రేక్షకులను అలరించిన టాలీవుడ్ రౌడీ హీరో విజయ్ దేవరకొండ ఇప్పుడు 'ఫ్యామిలీ స్టార్'గా మారి మరింత ఎంటర్టైనింగ్ కంటెంట్తో ఆడియెన్స్ను ఆకట్టుకునేందుకు సిద్ధమయ్యారు. 'గీత గోవిందం' ఫేమ్ డైరెక్టర్ పరశురాం తెరకెక్కిస్తున్న ఈ సినిమాలో ఆయన తనలోని సరికొత్త కోణాన్ని చూపించనున్నారు.
ఇటీవలే విడుదలైన టైటిల్ గ్లింప్స్ అభిమానుల్లో ఈ సినిమాపై భారీ అంచనాలు పెంచేసింది. ఇందులోని 'ఐరనే వంచాలా ఏంటి' అన్న డైలాగ్ నెట్టింట ఎంతగా వైరల్ అయ్యిందో ప్రత్యేకంగా చెప్పనక్కర్లేదు. ఇక ఈ సినిమాలో బాలీవుడ్ బ్యూటీ మృణాల్ ఠాకూర్ కూడా నటిస్తుండటం వల్ల ఈ సినిమా కోసం ఫ్యాన్స్ మరింతగా ఎదురుచూస్తున్నారు. ఈ నేపథ్యంలో ఈ సినిమా గురించి అందరి నోట నానూతూనే ఉంది.
తాజాగా ఈ మూవీ నుంచి నంద నందనా అనే సాంగ్ను మేకర్స్ విడుదల చేశారు. క్యాచీ లైన్స్తో ఆకట్టుకుంటున్న ఈ మెలోడీ యూత్ను తెగ ఆకర్షిస్తోంది. అయితే తాజాగా ఇదే సాంగ్కు విజయ్ దేవరకొండ, బుట్టబొమ్మ పూజా హెగ్డే కలిసి స్టెప్పులేశారు. ఓ కాలేజ్‌లో నిర్వహించిన ఆర్ట్‌ ఫెస్టివల్‌లో ఈ ఇద్దరూ సందడి చేశారు. ఫెస్ట్లో భాగంగా ఇలా ఈ పాటకు డ్యాన్స్ చేసి స్టూడెంట్స్ను అలరించారు. ప్రస్తుతం దీనికి సంబంధించిన వీడియో సోషల్ మీడియాలో తెగ ట్రెండ్ అవుతోంది.
-
Cutest #VijayDevarakonda and #PoojaHegde doing the signature step of #Nandanandana from #FamilyStarpic.twitter.com/61CDkuTzsT
— Yellow Bird (@YellowLove243) March 2, 2024
టీజర్ రిలీజ్ డేట్ ఫిక్స్ :
ఇక మేకర్స్ ఈ సినిమా టీజర్కు సంబంధించిన లేటెస్ట్ అప్డేట్ను ఓ స్పెషల్ పోస్టర్ ద్వారా తెలియజేశారు. ఈ మూవీ టీజర్‌ను మార్చి 4 సాయంత్రం 6:30 గంటలకు విడుదల చేయనున్నట్టు ప్రకటించారు.
విజయ్ VD 12 : మరోవైపు హీరో విజయ్ 'జెర్సీ' ఫేమ్ డైరెక్టర్ గౌతమ్ తిన్ననూరితో ఓ సినిమా చేస్తున్నారు. ఈ చిత్రం VD 12 అనే వర్కింగ్ టైటిల్తో తెరకెక్కుతోంది. అయితే ఎప్పటిలాగే ఎమోషనల్ డ్రామాతో కూడిన కథతో కాకుండా గౌతమ్ ఈ సినిమాను గ్యాంగ్స్టర్ నేపథ్యంలో తీయనున్నారని సమాచారం. ఇక ఈ సినిమాలో యంగ్ బ్యూటీ శ్రీలీల హీరోయిన్గా నటిస్తోంది. ప్రముఖ నిర్మాత నాగ వంశీ ఈ సినిమాను సితార ఎంటర్టైన్మెంట్స్ బ్యానర్పై రూపొందిస్తున్నారు.
దేవరకొండను చూడగానే దిల్ రాజు కొత్త కోడలు రియాక్షన్ వైరల్!
'రాజాసాబ్', 'ఫ్యామిలీ స్టార్' రిలీజ్ డేట్స్ - మేకర్స్ క్లారిటీ
