Devara Movie First Single : సాధారణంగా సినిమా హీరోల బర్త్డేలు దగ్గర పడుతోందంటే అభిమానులు ఎంతో ఉత్సాహంగా ఆ స్పెషల్ రోజు కోసం ఎదురుచూస్తుంటారు. ఎందుకంటే ఆ సమయానికి పలు మేకర్స్ తమ హీరోల కొత్త సినిమా అప్డేట్స్ను నెట్టింట విడుదల చేస్తుంటారు. ఇక త్వరలో మ్యాన్ ఆఫ్ మాసెస్ జూనియర్ ఎన్టీఆర్ బర్త్డే రానుంది. దీంతో ఆయన నటిస్తున్న సినిమాల నుంచి అప్డేట్స్ వస్తాయని అభిమానులు ఆతృతగా ఎదురుచూస్తున్నారు.
ఓ వైపు కొరటాల శివ తెరకెక్కిస్తున్న 'దేవర' సినిమా షూటింగ్తో పాటు 'వార్ 2' చిత్రీకరణలో బిజీగా ఉన్నారు జూనియర్ ఎన్టీఆర్. దీంతో ఈ రెండు సినిమాల టీమ్స్ కచ్చితంగా ఏదో ఒక అప్డేట్ విడుదల చేస్తుందని ఆశతో ఎదురుచూస్తున్నారు. ఇప్పటికే దేవర సినిమా గురించి ఓ రూమర్ నెట్టింట ట్రెండ్ అవుతోంది. ఆ మూవీకి సంబంధించిన ఫస్ట్ సింగిల్ను రిలీజ్ చేసే పనుల్లో బిజీగా ఉందట చిత్రబృందం. దీంతో ఎన్టీఆర్ బర్త్డే స్పెషల్ అదేనేమో అంటూ ఫ్యాన్స్ సంబరాలు చేసుకుంటున్నారు. ఇక 'వార్-2' టీమ్ కూడా తారక్ ఫ్యాన్స్ను థ్రిల్ చేసేందుకు సిద్ధమైందట. ఆ సినిమా షూట్ నుంచి ఒక మంచి యాక్షన్ లుక్ను బర్త్డే స్పెషల్గా రిలీజ్ చేయనుందట.
మరోవైపు ప్రశాంత్ నీల్‌ - తారక్ కాంబోలో రానున్న సినిమా గురించి కూడా కీలక అప్డేట్ రానుందని సమాచారం. అన్నీ సెట్ అయితే ఆ రోజు ఎన్టీఆర్ ఫ్యాన్స్కు హ్యాట్రిక్ ట్రీటే అంటూ నెటిజన్లు అభిప్రాయపడుతున్నారు. ఇక తారక్ అభిమానులు కూడా ఆ అప్డేట్స్ను ట్రెండ్ చేసేందుకు మేము ఎప్పుడో రెడీ అంటూ కామెంట్లు పెడుతున్నారు.
ఇక దేవర విషయానికి వస్తే, కాగా, సీ కాన్సెప్ట్ బ్యాక్డ్రాప్తో తెరకెక్కుతున్న దేవర రెండు భాగాలుగా వస్తుందని చిత్ర బృందం ముందే ప్రకటించింది. కొరటాల శివ రూపొందిస్తున్న ఈ చిత్రం మొదటి భాగం అక్టోబర్ 10న ప్రేక్షకుల ముందుకు రానుంది. ఈ సినిమాతో జాన్వీ కపూర్ తెలుగు తెరకు పరిచయం కానుంది. ఎన్టీఆర్ ఆర్ట్స్, యువసుధ ఆర్ట్స్ బ్యానర్‌లపై మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ ఈ చిత్రాన్ని నిర్మిస్తున్నారు.
రూ.120 కోట్లకుపైగా భారీ బడ్జెట్‌తో ఈ సినిమా నిర్మాణం జరుగుతుంది. ఈ సినిమాకు అనిరుధ్ రవిచందర్ సంగీతాన్ని అందిస్తున్నారు. ఇప్పటికే ఈ సినిమా సంబంధించిన అప్డేట్స్ ఎన్టీఆర్ అభిమానులకు భారీ అంచనాలు పెట్టుకునేలా చేశాయి.
- " class="align-text-top noRightClick twitterSection" data="">
'ఎన్టీఆర్ నా ఫ్రెండ్ కాదు - వాళ్లే నా స్నేహితులు' - Rajamouli NTR
'దేవర' రిలీజ్ ఆలస్యమైనా మీరందరూ కాలర్ ఎగరేస్తారు'- ఫ్యాన్స్లో జోష్ నింపిన ఎన్టీఆర్ - Jr NTR Devara
