ଶ୍ରୀମନ୍ଦିର ଦ୍ୱାର ଫିଟା ଓ ଜଗତର ନାଥ ଜଗନ୍ନାଥଙ୍କ ମଙ୍ଗଳ ଆଳତି

ଜଗତର କଲ୍ୟାଣ ପାଇଁ ପ୍ରତ୍ୟେକ ଦିନ ବଡି ଭୋରୁ ଶ୍ରୀମନ୍ଦିରରେ ପ୍ରଭୁ ପତିତପାବନଙ୍କ ମଙ୍ଗଳ ଆଳତି ନୀତି କରାଯାଉଛି । ତେବେ ସବୁଦିନ ପରି ଆଜି ମଧ୍ୟ ବଡି ଭୋରରୁ ସେବାୟତ ଓ ପୂଜା ପଣ୍ଡାଙ୍କ ଦ୍ବାରା ପ୍ରଥମେ ଶ୍ରୀମନ୍ଦିରର ଦ୍ବାର ଫିଟା ଯାଇଥିଲା । ଏହାପରେ ହାତରେ ଆଳତି ଦୀପ ଓ ଘଣ୍ଟି, ମୁହଁରେ ମନ୍ତ୍ରୋଚାରଣ କରି ପତିତପାବନଙ୍କ ମଙ୍ଗଳ ଆଳତି ନୀତି ସମ୍ପନ୍ନ ହୋଇଛି । ବିଶ୍ବାସ ରହିଛି ସକାଳୁ ସକାଳୁ ଏହାକୁ ଦର୍ଶନ କଲେ ଜୀବନର ସମସ୍ତ ପାପ କ୍ଷୟ ହେବା ସହ ଟଳିଯାଏ ବିପଦ ।