ହାଇଦ୍ରାବାଦ: ଭାରତ ଏମିତି ଏକ ଦେଶ ଯେଉଁଠି ଚା’ ଏବଂ କଫି ପ୍ରେମୀଙ୍କ ଅଭାବ ନାହିଁ । ପ୍ରାୟତଃ ଆମେ ଯେତେବେଳେ କେଉଁ ବନ୍ଧୁ ବାନ୍ଧବଙ୍କ ଘରକୁ ଯାଆନ୍ତି, ଅତିଥି ଚର୍ଚ୍ଚା ଚା କିମ୍ବା କଫିରୁ ଆରମ୍ଭ ହୋଇଥାଏ । ଏମିତି ବହୁତ ଲୋକ ଅଛନ୍ତି ଯେଉଁମାନଙ୍କ ଦିନ କପେ ଚା କିମ୍ବା କଫିରୁ ଆରମ୍ଭ ହୁଏ । ତେବେ ଆପଣମାନେ କେବେ ଭାବିଛନ୍ତି କି ? ଜଣେ ବ୍ୟକ୍ତ ଗୋଟିଏ ଦିନରେ କେତେ ପରିମାଣର ଚା କିମ୍ବା କଫି ପିଇବା ଉିଚିତ ?
ତେବେ ଗୋଟିଏ ଦିନରେ କେତେ ଚା’ କିମ୍ବା କଫି ପିଇବା ଉଚିତ୍ ତାହା ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ICMR) ତାର ରିପୋର୍ଟରେ ପ୍ରକାଶ କରିଛି । ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ନ୍ୟୁଟ୍ରିସନ୍ (NIN)ର ସହଯୋଗରେ ଆଇସିଏମ୍ଆର ଏକ ରିପୋର୍ଟ ପ୍ରକାଶ କରିଛି ଯେ, କୌଣସି ବ୍ୟକ୍ତି ଚା ଓ କଫିର ଅତ୍ୟଧିକ ବ୍ୟବହାରରୁ ଦୂରେଇ ରହିବା ଉଚିତ୍ । କାରଣ ଚା ଓ କଫିରେ କଫିନ୍ ଥାଏ । ଯାହା ଶରୀରରେ ଅତ୍ୟଧିକ ପରିମାଣ ହେଲେ ସ୍ବସ୍ଥ୍ୟ ପାଇଁ କ୍ଷତିକାରକ ।
ଆଇସିଏମଆର ରିପୋର୍ଟ ଅନୁସାରେ, କଫିନ୍ର ଅତ୍ୟଧିକ ବ୍ୟବହାର ଶରୀରର ସ୍ନାୟୁ ପ୍ରଣାଳୀ ଉପରେ ପ୍ରଭାବ ପକାଇଥାଏ । ଯଦି କେହି ଚା’ କିମ୍ବା କଫି ପିଇବାରେ ଅଭ୍ୟସ୍ତ ହୋଇଯାଆନ୍ତି ତେବେ ଯଥା ସମ୍ଭବ ଏହାଠାରୁ ଦୂରେଇ ରହିବା ଉଚିତ । କାରଣ ଏଥିରେ ଥିବା କଫିନ ଶରୀର ଉପରେ ଖରାପ ପ୍ରଭାବ ପକାଇଥାଏ । ଆଇସିଏମଆର କହିଛି ଯେ, ଚା କିମ୍ବା କଫି ଅତ୍ୟଧିକ ପିଉଥିଲେ ଏଥିରୁ ଦୂରେଇ ରହିବା ଉଚିତ୍ । ତେବେ ଆପଣମାନଙ୍କ ମନରେ ପ୍ରଶ୍ନ ଉଠୁଥିବ ଯେ, ଜଣେ ବ୍ୟକ୍ତି କେତେ ଚା ପିଇବା ଉଚିତ୍ ? ଆସନ୍ତୁ ଜାଣିବା ।
ସ୍ବାସ୍ଥ୍ୟ ପାଇଁ ଗୋଟିଏ ଦିନରେ କେତେ କଫିନ୍ ଭଲ?
ଆଇସିଏମଆର ରିପୋର୍ଟ ଅନୁଯାୟୀ, 150 ମିଲିଲିଟର କପ୍ ବ୍ରୁଡ୍ କଫିରେ 80ରୁ 120 ମିଲିଗ୍ରାମ କଫିନ୍ ଥିବାବେଳେ ଇନଷ୍ଟାଣ୍ଟ କଫିରେ 50ରୁ 65 ମିଲିଗ୍ରାମ କଫିନ୍ ଥାଏ । ଚା’ ବିଷୟରେ କହିବାକୁ ଗଲେ, ଗୋଟିଏ କପ୍ ଚା'ରେ ପ୍ରାୟ 30ରୁ 65 ମିଲିଗ୍ରାମ କଫିନ ଥାଏ । ଆଇସିଏମଆର ରିପୋର୍ଟରେ ଦର୍ଶାଯାଇଛି ଯେ, ଜଣେ ବ୍ୟକ୍ତି ଦିନକୁ 300 ମିଲିଗ୍ରାମ କଫିନରୁ ଅଧିକ କଫିନ ଗ୍ରହଣ କଲେ ତାହା ଶରୀରରେ ସମସ୍ୟା ସୃଷ୍ଟି କରିପାରେ । ତେଣୁ ଗୋଟିଏ ଦିନରେ ଜଣେ ବ୍ୟକ୍ତି ଅଢେଇ କପ୍ ବ୍ରେଡ୍ କଫି ଓ ସାଢେ 4 କପ୍ ଇନଷ୍ଟାଣ୍ଟ କଫି ପିଇ ପାରିବେ । ସେହିପରି ପ୍ରାୟ ସାଢେ 4 କପ୍ ଚା ପିଇପାରିବେ । କିନ୍ତୁ ଏହାଠାରୁ ଅଧିକ ଚା କିମ୍ବା କଫି ଖାଇବା ଦ୍ୱାରା କାହା ପାଇଁ ଶରୀର ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ ।
ଖାଦ୍ୟ ଏବଂ ଚା ଓ କଫି ମଧ୍ୟରେ ରଖନ୍ତୁ ବ୍ୟବଧାନ:
ଚା' ଏବଂ କଫିରେ କଫିନ୍ ଏବଂ ଟେନିନ୍ ଥାଏ । କଫିନ ସେଣ୍ଟ୍ରାଲ ସ୍ନାୟୁ ପ୍ରଣାଳୀରେ ଏବଂ ଖାଦ୍ୟର ଆଇରନ ଉପରେ ଟେନିନ୍ ଉପରେ ଅଧିକ ପ୍ରଭାବ ପକାଇଥାଏ । ଟେନିନ୍ ଖାଇବା ସମୟରେ ଖାଦ୍ୟରେ ଥିବା ଆଇରନର ପରିମାଣକୁ ହ୍ରାସ କରିଥାଏ । ଏହି ଆଇରନ ଶରୀରରେ ପ୍ରୋଟିନ୍ ହେମୋଗ୍ଲୋବିନ୍ ତିଆରି କରିଥାଏ । ଏହା ସମଗ୍ର ଶରୀରକୁ ଅମ୍ଳଜାନ ଯୋଗାଇବାରେ ଏହା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏଣୁ ଏହାକୁ ପିଇଲେ ଉପସ୍ଥିତ ଥିବା ଟେନିନ୍ ଗୁଡ଼ିକରେ ଆଇରନ ଅବଶୋଷଣ ପ୍ରକ୍ରିୟାରେ ବାଧା ସୃଷ୍ଟି ହେବାର ଆଶଙ୍କା ଥାଏ, ତେଣୁ ଭୋଜନ ପୂର୍ବରୁ ଏବଂ ପରେ ଚା' କଫି ନ ପିଇବାକୁ ପରାମର୍ଶ ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
