ମହାଲକ୍ଷ୍ମୀ ବେଶରେ ଦର୍ଶନ ଦେଲେ ମା’ କଟକ ଚଣ୍ଡୀ

କଟକ: ମା’ ଦୁର୍ଗାଙ୍କ ଷୋଡଶ ଉପଚାର ପୂଜାରେ ପ୍ରକମ୍ପିତ କଟକର ସମସ୍ତ ଶକ୍ତିପୀଠ । ତେବେ ଆଜି ଶକ୍ତି ପୀଠରେ ମହାନବମୀ ପୂଜା ଚାଲିଥିବା ବେଳେ ମା’ କଟକ ଚଣ୍ଡୀ ମହାଲଷ୍ମୀ ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି । ମା'ଙ୍କର ମହାଲଷ୍ମୀ ବେଶକୁ ଦେଖିବା ପାଇଁ ଭକ୍ତଙ୍କ ସମାଗମ ଲାଗି ରହିଛି । ତେବେ କଟକ ସମେତ ଅନ୍ୟ ଜିଲ୍ଲାରୁ ମଧ୍ୟ ଭକ୍ତ ଆସି ମା’ କଟକ ଚଣ୍ଡୀଙ୍କ କରୁଣା ଲାଭ କରିଛନ୍ତି । ଏହି ଦୁର୍ଲଭ ଦର୍ଶନ ଅପାର ଶାନ୍ତି ଦେଉଛି ବୋଲି କହିଥିଲେ ଶ୍ରଦ୍ଧାଳୁ । ଶକ୍ତି ପୀଠମାନଙ୍କରେ ଷୋଡଶ ଉପଚାର ପୂଜା ଚାଲିଥିବା ବେଳେ ସ୍ଥାନୀୟ ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ଇଟିଭି ଭାରତ, କଟକ