ପୂଜାମଣ୍ଡପରେ ଧନଦାତ୍ରୀଙ୍କ ମାଣବସା ଗୁରୁବାର

କେନ୍ଦ୍ରାପଡା: ଧନଦାତ୍ରୀ ଦେବୀ ମା' ଲକ୍ଷ୍ମୀଙ୍କ ପୂଜାରେ ଚଳଚଞ୍ଚଳ କେନ୍ଦ୍ରାପଡା ସହର । ରଙ୍ଗବେରଙ୍ଗ ଆଲୋକମାଳା ସହ ଆକର୍ଷଣୀୟ ତୋରଣରେ ଝଲସୁଛି ସମଗ୍ର ସହର । ହେଲେ କେନ୍ଦ୍ରାପଡା ଜିଲ୍ଲା ନୂଆ ବସଷ୍ଟାଣ୍ଡର ଥାନାପତି ପୂଜା ମଣ୍ଡପରେ ମା' ଗଜଲକ୍ଷ୍ମୀଙ୍କୁ ନିଆରା ଢଙ୍ଗରେ ପୂଜା କରାଯାଉଛି । ଏଠି ମା' ଗଜଲକ୍ଷ୍ମୀଙ୍କ ପୂଜାର ପ୍ରଥମ ଗୁରୁବାର ପାଳନ ହୁଏ କାର୍ତ୍ତିକ ମାଣଓଷା ଗୁରୁବାର । କଥାଟି ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବାସ୍ତବରେ ଏଠି ମାର୍ଗଶୀର ଗୁରୁବାର ନୁହେଁ କାର୍ତ୍ତିକ ମାଣବସା ଗୁରୁବାର ପାଳନ ହୋଇଥାଏ ।