ସମ୍ବଲପୁର: ରେଢ଼ାଖୋଲ ଚାରମାଳ ଥାନାର ଲମଖେତା ନିକଟରେ ବସ-ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା । ଏଥିରେ 7 ଜଣ ଗୁରୁତର ଆହତ ହୋଇଛନ୍ତି । 'ଗରୁଡ' ନାମକ ବସ ରେଢ଼ାଖୋଲରୁ ସମ୍ବଲପୁର ଆସୁଥିବା ବେଳେ ଟ୍ରକଟି ସମ୍ବଲପୁରରୁ ରେଢ଼ାଖୋଲ ଅଭିମୁଖେ ଯାଉଥିଲା । ସନ୍ଧ୍ୟା ପ୍ରାୟ 6ଟା ବେଳେ ସମ୍ବଲପୁର-ରେଢ଼ାଖୋଲ ରାଜରାସ୍ତାର 55ନମ୍ବର ଜାତୀୟ ରାଜପଥରେ ଉଭୟ ଗାଡି ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା।
ଏ ଘଟଣାରେ 5 ଯାତ୍ରୀ ଗୁରୁତର ହୋଇଥିବା ବେଳେ ବସ ଓ ଟ୍ରକର ଡ୍ରାଇଭର ଚାପି ହୋଇ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ସମସ୍ତ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ବୁର୍ଲା ବଡ଼ ମେଡିକାଲକୁ ପଠାଇଥିଲେ ।ସମ୍ବଲପୁର-ରେଢ଼ାଖୋଲ ରାସ୍ତା ନିର୍ମାଣ କାର୍ଯ୍ୟ ଜାରି ରହିଥିବା ବେଳେ ବାରମ୍ବାର ଏମିତି ଦୁର୍ଘଟଣା ଘଟୁଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
