ଭୁବନେଶ୍ବର: ପ୍ରଥମ ଥର ପାଇଁ ସମସ୍ତ ବୁଥ ପରିଚାଳନା କରିବେ ମହିଳା । ଭୁବନେଶ୍ୱର ମଧ୍ୟ ନିର୍ବାଚନ ମଣ୍ଡଳୀ ପାଇଁ ଏଭଳି ଯୋଜନା ହୋଇଛି । ଯେଉଁଥିପାଇଁ ସମସ୍ତ ପ୍ରକାର ସୁରକ୍ଷା ଦେବା ପାଇଁ କମିଶନରେଟ ପୋଲିସ ପକ୍ଷରୁ ବ୍ୟବସ୍ଥା କରଯାଇଛି । ଏନେଇ ସୂଚନା ଦେଇ ପୋଲିସ କମିଶନର ସଞ୍ଜୀବ କୁମାର ପଣ୍ଡା ।
ପୋଲିସ କମିଶନର ସଞ୍ଜୀବ ପଣ୍ଡା କହିଛନ୍ତି ଯେ, ଯେହେତୁ ଇଲେକ୍ସନ କମିସନ ନିର୍ଦ୍ଦେଶ ଅନୁସାରେ ଆମର ମଧ୍ୟ ନିର୍ବାଚନ ମଣ୍ଡଳୀର ୨୦୦ଟି ବୁଥକୁ 'ସଖି ବୁଥ' ଭାବେ ପ୍ରସ୍ତୁତ କରାଯିବ । ଏନେଇ ସେହି ସବୁ ବୁଥରେ ଯେଉଁଠି ମହିଳା ପୋଲିଂ କର୍ମଚାରୀ ନିୟୋଜିତ ହେବେ । ସେ ଦୃଷ୍ଟିରୁ ମହିଳାଙ୍କ ପୋଲିଂ କର୍ମଚାରୀ ନିୟୋଜିତ ଦେବା ସହ ସୁରକ୍ଷା କର୍ମୀ ମଧ୍ୟ ମହିଳା କର୍ମଚାରୀ ନିୟୋଜିତ ହେବେ । ଯେହେତୁ ପୋଲିଂ କର୍ମଚାରୀ ମହିଳାମାନେ ରହୁଛନ୍ତି ତେଣୁ ମହିଳା କର୍ମଚାରୀ ସେମାନଙ୍କୁ ସୁରକ୍ଷା ଦେବା ପାଇଁ ବ୍ୟବସ୍ଥା କରାଯାଇଛି ।ଏନେଇ ଇଲେକ୍ସନ ସ୍କେଲ ଅନୁସାରେ ମହିଳା ପୋଲିସଙ୍କୁ ଇଲେକ୍ସନ ସମ୍ପର୍କିତ ତାଲିମ ମଧ୍ୟ ପୂର୍ବରୁ ଦିଆଯାଇଛି ।
ତେବେ ପ୍ରତିଟି ପୁଲିଂ ବୁଥରେ ୬ଜଣ କର୍ମଚାରୀ ରହିଥାନ୍ତି । ଯେଉଁମାନଙ୍କ ମଧ୍ୟରେ ପ୍ରିଜାଇଡିଂ ଅଫିସର ବୁଥର ସର୍ବେସର୍ବା । ସମସ୍ତ ନିଷ୍ପତ୍ତି ତାଙ୍କ ନେତୃତ୍ବରେ ନିଆଯାଇଥାଏ । ତାଙ୍କ ସହ ୫ଜଣ ପୋଲିଂ କର୍ମଚାରୀ ମଧ୍ୟ ରହିଥାନ୍ତି । ଯେଉଁମାନଙ୍କ ମଧ୍ୟରେ ୧ମ ପୁଲିଂ ଅଧିକାରୀ ଯେ କି ଆସୁଥିବା ସମସ୍ତ ଭୋଟରଙ୍କର ପରିଚୟ ଯାଞ୍ଚ କରି ଦେବା ପାଇଁ ଚିହ୍ନଟ କରିବେ । ୨ୟ ପୋଲିଂ ଅଧିକାରୀ ଭୋଟରଙ୍କ ନାମ ଚିହ୍ନଟ ପରେ ତାଙ୍କର ଦସ୍ତଖତ ଗ୍ରହଣ କରିବେ । ୩ୟ ପୋଲିଂ ଅଧିକାରୀ ତାଙ୍କର ଆଙ୍ଗୁଠିରେ କାଳି ଲଗାଇବେ ଓ ୪ର୍ଥ ପୋଲିଂ ଅଧିକାରୀ ଲୋକସଭା କ୍ଷେତ୍ର ପାଇ ବାଲାଟ ପେପର ଦେବେ ଓ ୫ମ ପୋଲିଂ ଅଧିକାରୀ ବିଧାନସଭା କ୍ଷେତ୍ର ପାଇ ବାଲାଟ ପେପର ଦେବେ । ଏହି ସମସ୍ତଙ୍କୁ ସୁରକ୍ଷା ଦେବା ପାଇଁ ଜଣେ ମହିଳା ସୁରକ୍ଷା କର୍ମୀ ରହିବେ । ଏନେଇ ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ସମସ୍ତ ବ୍ୟବସ୍ଥା କରାଯାଇଛି ।
ଇଟିଭି ଭାରତ, ଭୁବନେଶ୍ବର
