ଭୁବନେଶ୍ବର: ଆଉ ଦିନ କେଇଟା ପରେ ଆରମ୍ଭ ହେବ ହକି ବିଶ୍ବକପ ୨୦୨୩ । ତାରିଖ ଯେତେ ପାଖଉଛି ପ୍ରସ୍ତୁତି ସେତେ ଜୋରସରରେ ଆଗେଇ ଚାଲିଛି । ଆୟୋଜନରେ ଯେପରି କୌଣସି ତ୍ରୁଟି ନରୁହେ ସେନେଇ ଘନଘନ ବୈଠକ ମଧ୍ୟ ବସୁଛି । ଏନେଇ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର କହିଛନ୍ତି ହକି ବିଶ୍ବକପ ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ରହିଛନ୍ତି । ବିଭାଗକୁ ଯେଉଁ ଦାୟିତ୍ବ ଦିଆଯାଇଥିଲା । ସେହି କାମଗୁଡିକ ସୁରୁଖୁରୁରେ ଚାଲିଛି । ବିଶ୍ବକପ ଆରମ୍ଭର ବହୁ ପୂର୍ବରୁ ଏହି କାର୍ଯ୍ୟ ସରିଯିବ ବୋଲି ସେ କହିଛନ୍ତି ।
ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର କହିଛନ୍ତି, "ବିଭିନ୍ନ ବିଭାଗକୁ ଯେଉଁ କାର୍ଯ୍ୟ ଦିଆଯାଇଛି ସେହି କାମଗୁଡିକ ଆଗେଇ ଚାଲିଛି । ବିଶ୍ବକପ ଆରମ୍ଭର ବହୁ ପୂର୍ବରୁ ଏହି କାର୍ଯ୍ୟ ସରିଯିବ । 13 ଜାନୁଆରୀରେ ରାଉଲକେଲାରେ ଉଦଘାଟନୀ କାର୍ଯ୍ୟକ୍ରମ ଆୟୋଜନ କରାଯାଇଛି । ସେହିଭଳି କଟକର ବାରବାଟୀ ଷ୍ଟାଡିୟମରେ ମଧ୍ୟ ଜାନୁଆରୀ 11 ତାରିଖରେ ହକି ବିଶ୍ବକପ ନେଇ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯିବାର ଯୋଜନା ରହିଛି । ଯେଉଁଠି 40 ହଜାର ଦର୍ଶକ ଏବଂ ଅତିଥି ଯୋଗ ଦେବେ । ଏହାସହ ରାଜ୍ୟର ସମସ୍ତ ପଞ୍ଚାୟତରେ ହକି ସହ ଅନ୍ୟ ଖେଳ ପ୍ରତି ଛାତ୍ରଛାତ୍ରୀଙ୍କୁ ଆକୃଷ୍ଟ କରିବା ସହ ହକିର ମାହୋଲ ସୃଷ୍ଟି କରିବା ପାଇଁ ବିଭିନ୍ନ କାଯ୍ୟକ୍ରମ ହାତକୁ ନିଆଯିବାକୁ ଯୋଜନା ରହିଛି । ହକି ଖେଳାଳିମାନଙ୍କୁ ଚାର୍ଟାଡ ଫ୍ଲାଇଟରେ ଭୁବନେଶ୍ବର ଏବଂ ରାଉରକେଲାକୁ ନେବାଆଣିବା କରାଯିବା ।
ହକି ବିଶ୍ବକପ ପାଇଁ ବାଜି ସାରିଛି ବିଗୁଲ । ୨୦୨୩ ହକିବିଶ୍ବକପର ଆୟୋଜୋକ ରହିଛି ଓଡ଼ିଶା । ଜାନୁଆରୀ ୧୩ରୁ ୨୯ ଯାଏଁ ଖେଳାଯିବ ହକି ବିଶ୍ବକପ । ଖେଳାଳି, ଅଧିକାରୀ ଓ ଦର୍ଶକମାନଙ୍କ ପାଇଁ ଏହାଏକ ସ୍ମରଣୀୟ ବିଶ୍ବକପ ଆୟୋଜନ ହେବାନେଇ ରାଜ୍ୟ ସରକାରଙ୍କ ପକ୍ଷରୁ ପ୍ରୟାସ କରାଯାଉଛି । ପୁରୁଷ ହକି ବିଶ୍ବକପ୍ର ଏହି ସଂସ୍କରଣକୁ ମିଶାଇ ଭାରତ ବିଶ୍ବର ପ୍ରଥମ ଦେଶ ହେବାକୁ ଯାଉଛି, ଯିଏକି ସର୍ବାଧିକ ୪ ଥର ବିଶ୍ବକପ ଟୁର୍ଣ୍ଣାମେଣ୍ଟ ଆୟୋଜନ କରିଛି । କ୍ରମାଗତ ଦ୍ବିତୀୟ ଥର ପାଇଁ ମଧ୍ୟ ଓଡିଶା ଏହି ସମ୍ମାନଜନକ ଟୁର୍ଣ୍ଣାମେଣ୍ଟ ଆୟୋଜନ କରି ରେକର୍ଡ କରିବାକୁ ଯାଉଛି ।
ଇଟିଭି ଭାରତ, ଭୁବନେଶ୍ବର