ଝାରସୁଗୁଡ଼ା: ସ୍ବାସ୍ଥ୍ୟମନ୍ତ୍ରୀଙ୍କ ଜିଲ୍ଲା ଝାରସୁଗୁଡ଼ାରେ ବ୍ୟାପୁଛି ହଇଜା । ୧୩ ନମ୍ବର ୱାର୍ଡ ଦେବାଡ଼ିହିରେ ଝାଡ଼ାବାନ୍ତିରେ ଦୁଇଜଣଙ୍କ ମୃତ୍ୟୁ ଘଟିବା ପରେ ସ୍ଥିତି ନୀରିକ୍ଷଣ ପାଇଁ ପହଞ୍ଚିଲା ଜିଲ୍ଲା ସ୍ବାସ୍ଥ୍ୟବିଭାଗ । ସ୍ବାସ୍ଥ୍ୟବିଭାଗର ଏକ ଟିମ୍ ପହଞ୍ଚି ହଇଜା ସଂକ୍ରମଣ ଉପରେ ସ୍ଥିତି ପରଖିଛି । ପିଇବା ପାଣିର ସାମ୍ପୁଲ, ଅଞ୍ଚଳରେ ପାଇଖାନା ବ୍ୟବସ୍ଥା ଉପରେ କଡ଼ାକଡ଼ି ଯାଞ୍ଚ କରିଛି । ଏକ ସ୍ବତନ୍ତ୍ର ଡାକ୍ତରୀ ଟିମ, ଅଞ୍ଚଳର ଅଙ୍ଗନବାଡ଼ି ଦିଦି, ଆଶା ଦିଦି, ପୌରପରିଷଦର କର୍ମଚାରୀ ପହଞ୍ଚି ସ୍ଥିତି ଉପରେ ନଜର ରଖିଛନ୍ତି ।
ଅଞ୍ଚଳରେ ଓଆରଏସ ସହିତ ବିଭିନ୍ନ ଔଷଧ ବଣ୍ଟନ କରିଛନ୍ତି । ପାଣି ରିପୋର୍ଟ ଆସିବା ପର୍ଯ୍ୟନ୍ତ ପୌରପରିଷଦ ତରଫରୁ ପାଣି ଯୋଗାଇଦେବା ପାଇଁ କୁହାଯାଇଛି । ଏହି ଅଞ୍ଚଳର ଲିଟିପଡା, ପାନ୍ନପଡା ଓ ବଇଦପଡ଼ାର ପ୍ରାୟ ୧୦/୧୫ ଜଣ ଏହି ଝାଡ଼ାବାନ୍ତିରେ ଆକ୍ରାନ୍ତ ହୋଇଥିବାବେଳେ ୫/୭ ଜଣ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହେଉଛନ୍ତି । ଫଳରେ ପାଣି ରିପୋର୍ଟ ଆସିବା ପର୍ଯ୍ୟନ୍ତ ପୌରପରିଷଦ ତରଫରୁ ଉକ୍ତ ଅଞ୍ଚଳରେ ପାନୀୟଜଳ ଯୋଗାଇଦେବା ପାଇଁ କୁହାଯାଇଛି ।
ରାୟଗଡା, ନୟାଗଡ, କୋରାପୁଟ ପରେ ଏବେ ଝାରସୁଗୁଡ଼ା ଦେବାଡ଼ିହି ଠାରେ ଝାଡାବାନ୍ତି ବ୍ୟାପିଛି । ଝାଡା ବାନ୍ତିରେ ଆକ୍ରାନ୍ତ ହୋଇ ଆଖି ବୁଜିଛନ୍ତି ଦେବାଡ଼ିହି ଅଞ୍ଚଳର ବାପା ପୁଅ । ଆକୁର ପ୍ରଧାନଙ୍କ ଗତ ଗୁରୁବାର ରାତିରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଥିଲା । ପୁଅର ଦାହ ସଂସ୍କାର ପରେ ପିତା ଶ୍ରୀପ୍ରସାଦ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିଲେ ।
ଇଟିଭି ଭାରତ, ଝାରସୁଗୁଡ଼ା
