ଭଞ୍ଜନଗର: ଗଞ୍ଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ଖଇରଚଟା ଗ୍ରାମରେ ଭଗବାନ ନାହାକଙ୍କ ପରିବାର ମଧ୍ୟରେ ଜମିଜମା ବିବାଦକୁ ନେଇ କଳହ ହୋଇଥିଲା । ହେଲେ କଳହ ଏତେ ଭୟଙ୍କର ରହିଥିଲା ଯାହାକି ଭଗବାନଙ୍କୁ ହତ୍ୟା କରାଯାଇଥିବା ନେଇ ପୋଲସରା ଥାନାରେ ଅଭିଯୋଗ କରିଛନ୍ତି ମୃତକଙ୍କ ପୁଅ । ସୂଚନା ମୂତାବକ କଳହ ପରେ ଭଗବାନ ଗୁରୁତର ହୋଇଥିଲେ ।
ଜମିଜମା ବିବାଦରୁ ହତ୍ୟା, ଥାନାରେ ପହଁଞ୍ଚିଲା ଅଭିଯୋଗ
ତାଙ୍କୁ ପୋଲସରା ମେଡିକାଲକୁ ଚିକିତ୍ସା ନିମନ୍ତେ ଅଣାଯାଇଥିଲା । ଚିକିତ୍ସା ପରେ ଡାକ୍ତର ଭଗବାନ ନାହାକଙ୍କୁ ମେଡିକାଲରେ ମୃତ ଘୋଷଣା କରିଥିଲେ । ଯାହାକି ପୋଲସରା ଥାନାରେ ଦିଆଯାଇଥିବା ଏତଲାକୁ ଭିତ୍ତି କରି ପୋଲସରା ପୋଲିସ୍ ମେଡିକାଲରେ ପହଞ୍ଚି ମୃତଦେହ ଜବତ କରିଥିଲା । ଏହାସହ ବ୍ୟବଛେଦ କରିବାପାଇଁ ବ୍ରହ୍ମପୁର ପଠାଇଥିବା ବେଳେ ଅନ୍ୟପଟେ ପୋଲିସ୍ ପ୍ରକୃତ ଘଟଣାର ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
