ଭୁବନେଶ୍ବର: ଡାକ୍ତରୀ ଶିକ୍ଷା କ୍ଷେତ୍ରରେ ଉନ୍ନତ ହେବ ଓଡିଶା । ରାଜ୍ୟର ବିଭିନ୍ନ ଜଲ୍ଲାରେ ଖୋଲୁଛି ଡାକ୍ତରୀ କଲେଜ । ଏହାରି ମଧ୍ୟରେ ବ୍ରହ୍ମପୁର ମେଡିକାଲ କଲେଜରେ ହେବ ସୁପର ସ୍ପେସିଆଲିଟି ଡାକ୍ତରୀ ଶିକ୍ଷା । NMC 2023 - 2024 ଏକାଡେମିକ୍ ଅଧିବେଶନ ପାଇଁ ୟୁରୋଲୋଜିରେ ବ୍ରହ୍ମପୁରର MCHର 3ଟି ସିଟକୁ ମଞ୍ଜୁରୀ ମିଳିଛି । ଏହା ଓଡିଶାରେ ସୁପର ସ୍ପେସିଆଲିଟି ଡାକ୍ତରୀ ଶିକ୍ଷାକୁ ଆହୁରି ମଜଭୁତ କରିବ । ମେଡିକାଲ ଆସେସମେଣ୍ଟ ଆଣ୍ଡ୍ ରେଟିଂ ବୋର୍ଡ (MARS) ଆସେସ୍ ହସ୍ପିଟାଲର ରିପୋର୍ଟ ସମୀକ୍ଷା କରିବା ପରେ ଏହି ନିଷ୍ପତ୍ତି ନେଇଛି । ଏହାସହ ଅଧ୍ୟାପକ, ସେମାନଙ୍କର ଅଭିଜ୍ଞତା ଓ ଅନ୍ୟାନ୍ୟ ଶିକ୍ଷାଦାନ ସୁବିଧା ସମ୍ବନ୍ଧରେ ସମୀକ୍ଷା କରିଛି MARS।
ସମସ୍ତ ସମୀକ୍ଷା ପରେ ବ୍ରହ୍ମପୁର MKCG ଏକାଡେମିକ୍ ବର୍ଷ 2023-24 ପାଇଁ ୟୁରୋଲୋଜି ପାଠପଢା ଆରମ୍ଭ ହେବ । ଏହାକୁ ନେଇ ଡାକ୍ତରୀ ମୂଲ୍ୟାଙ୍କନ ଏବଂ ମୂଲ୍ୟାୟନ ବୋର୍ଡ (MARB) ନିଷ୍ପତ୍ତି ନେଇଛି । 3ଟି ସିଟ୍ ପାଇଁ M.Ch ୟୁରୋଲୋଜିରେ ଅନୁମୋଦିତ କରାଯାଇଛି । ଜାତୀୟ ଚିକିତ୍ସା ଆୟୋଗର ନିୟମ ଅନୁଯାୟୀ ଆବେଦନକାରୀ ଶିକ୍ଷାଦାନ ତଥା ଅଣଶିକ୍ଷକ କର୍ମଚାରୀ, କୋଠା, ଯନ୍ତ୍ରପାତି ଏବଂ ଡାକ୍ତରଖାନା ସୁବିଧା ଦୃଷ୍ଟିରୁ ସମସ୍ତ ଭିତ୍ତିଭୂମି ଆଦି ମହଜୁଦ ରହିଛି । ମେଡିକାଲ୍ କଲେଜ୍ ତଥା ଅନୁଷ୍ଠାନଗୁଡିକ ସରକାରୀ ପିଜି ଛାତ୍ରଛାତ୍ରୀଙ୍କ ପରି ମେଡିକାଲ ପିଜି ଛାତ୍ରଛାତ୍ରୀମାନଙ୍କୁ ଷ୍ଟାଇପେଣ୍ଡ ଦେୟ ସମ୍ବନ୍ଧୀୟ ନିଷ୍ପତ୍ତି କାର୍ଯ୍ୟକାରୀ କରି ପ୍ରଦାନ କରିବାକୁ ନିର୍ଦ୍ଦେଶ ଦିଆଯାଇଛି ।
ଅନ୍ୟପଟେ, ଚଳିତ ବର୍ଷ ଅକ୍ଟୋବର ମାସ ମଧ୍ୟରେ କାର୍ଯ୍ୟକ୍ଷମ ହେବ ତାଳଚେର ମେଡିକାଲ କଲେଜ ଓ ହସ୍ପିଟାଲ । ଏହାର ଭିତ୍ତିଭୂମି ନିର୍ମାଣ ଶେଷ ହୋଇଛି। ଶିକ୍ଷାଦାନ ଓ ଚିକିତ୍ସା ପାଇଁ ଏହାକୁ ପ୍ରସ୍ତୁତ ହୋଇଛି। ତେବେ ଏହାକୁ କାର୍ଯ୍ୟକ୍ଷମ କରିବା ନିମନ୍ତେ ଜାତୀୟ ମେଡିକାଲ ଆୟୋଗ (ଏନ୍ଏମ୍ସି) ନିକଟରେ ଆବେଦନ କରାଯିବ। ସେହିପରି ଚଳିତ ବର୍ଷ ମଧ୍ୟ କଳାହାଣ୍ଡି ମେଡିକାଲ କଲେଜ କାର୍ଯ୍ୟକ୍ଷମ ହେବାର ଲକ୍ଷ୍ୟ ରଖାଯାଇଛି। ଏଥିପାଇଁ ଜାତୀୟ ମେଡିକାଲ ଆୟୋଗ (ଏନ୍ଏମ୍ସି) ଅନୁଧ୍ୟାନ ଶେଷ ହୋଇଛି । ଅନ୍ୟପଟେ ମଧ୍ୟ ଯାଜପୁର ଓ କଳାହାଣ୍ଡି ମେଡିକାଲ କଲେଜ ଖୁବଶୀଘ୍ର କାର୍ଯ୍ୟକ୍ଷମ କରିବା ପାଇଁ ପଦକ୍ଷେପ ନିଆଯାଉଛି । କିଛି ଦିନ ପୂର୍ବରୁ ଧରଣୀଧର ମେଡିକାଲ କଲେଜ ଓ ହସ୍ପିଟାଲର ଲୋକାର୍ପଣ କରାଯାଇଥିଲା । ତାଳଚେର ଓ କନ୍ଧମାଳ ମେଡିକାଲ କଲେଜ କାର୍ଯ୍ୟକ୍ଷମ ହେଲେ ରାଜ୍ୟରେ ସରକାରୀ ମେଡିକାଲ କଲେଜ ସଂଖ୍ୟା ୧୨ରେ ପହଞ୍ଚିବ । ୨୦୩୦ ସୁଦ୍ଧା ରାଜ୍ୟରେ ଥିବା ସମସ୍ତ ସରକାରୀ ମେଡିକାଲ କଲେଜରେ ଆସନ ସଂଖ୍ୟା ୨୫୦୦ରେ ପହଞ୍ଚାଇବା ପାଇଁ ଲକ୍ଷ୍ୟ ରହିଛି ।
ଇଟିଭି ଭାରତ, ବ୍ରହ୍ମପୁର
