ଅନୁଗୋଳ: ସ୍କୁଟି ଧକ୍କାରେ ବୃଦ୍ଧଙ୍କର ମୃତ୍ୟୁକୁ ନେଇ ଉତ୍ତେଜନା । ଉତ୍ତ୍ୟକ୍ତ ଲୋକେ ରାସ୍ତାରେ ମୃତଦେହ ରଖି ଧାରଣା ଦେବା ସହ ଗୋଟିଏ ଦୋକାନ ଘର ଓ କାରକୁ ଜାଳିଦେଇଛନ୍ତି । ଏଭଳି ଘଟଣା ଅନୁଗୋଳ ଜିଲ୍ଲା ଛେଣ୍ଡିପଦା ଅଞ୍ଚଳରେ ଦେଖିବାକୁ ମିଳିଛି ।
ଛେଣ୍ଡିପଦା ଅଞ୍ଚଳରେ ସଡକ ଦୁର୍ଘଟଣାରେ ତେଣ୍ଟୁଲୋଇ ଗ୍ରାମ ପଞ୍ଚାୟତ ଗୋପିନାଥପୁର ଗ୍ରାମର ଛାଲୁ ବେହେରାଙ୍କ ମୃତ୍ୟୁ ଘଟିଥିଲା । ଯାହାକୁ ନେଇ ସ୍ଥାନୀୟ ଲୋକେ ଅନୁଗୋଳ-ଛେଣ୍ଡିପଦା 63 ନମ୍ବର ରାଜ୍ୟ ରାଜପଥ ଅବରୋଧ କରିଥିଲେ ।
ସ୍କୁଟି ଧକ୍କାରେ ବୃଦ୍ଧ ମୃତ
ତେବେ ଦୁର୍ଘଟଣା ଘଟାଇଥିବା ସ୍କୁଟିଟି ସ୍ଥାନୀୟ ଜଣେ ଦୋକାନୀଙ୍କର ହୋଇଥିବାରୁ ଉତ୍ତ୍ୟକ୍ତ ଲୋକେ ତାଙ୍କର ମୋବାଇଲ ଦୋକାନ ଘର ଜାଳିଦେବା ସହ କାରକୁ ନିଆଁ ଲଗାଇ ଦେଇଥିଲେ । ଖବର ପାଇ ଛେଣ୍ଡିପଦା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
