ନୂଆଦିଲ୍ଲୀ: ବିଶ୍ବ କୁସ୍ତି ମାନ୍ୟତାର ଶୀର୍ଷରେ ପହଞ୍ଚିଛନ୍ତି ଦିପକ ପୁନିଆ । ପୁରୁଷ 86 କେଜି ଫ୍ରିଷ୍ଟାଇଲ ବର୍ଗରେ ବିଶ୍ବ ମାନ୍ୟତାର ନଂ1 କୁସ୍ତି ଯୋଦ୍ଧା ହୋଇଛନ୍ତି ଦୀପକ । ଜୁନିୟର ବିଶ୍ବ ଚମ୍ପିଆନ ହୋଇଥିଲେ ଦୀପକ ପୁନିଆ ।
ନିକଟରେ ବିଶ୍ବ କୁସ୍ତି ଚମ୍ପିଆନସିପର ଫାଇନାଲରେ ପହଞ୍ଚିଥିଲେ ଏହି ଯୁବ ଭାରତୀୟ କୁସ୍ତି ଯୋଦ୍ଧା । ତେବେ ଆହତ କାରଣରୁ ଫାଇନାଲ ମ୍ୟାଚରୁ ସେ ଓହରି ଯାଇଥିଲେ । ଫଳରେ ସ୍ବର୍ଣ୍ଣ ପଦକ ମୁକାବିଲାରୁ ଦୁର୍ଭାଗ୍ୟପୂର୍ଣ୍ଣ ଭାବେ ବଞ୍ଚିତ ହୋଇ ରୌପ୍ୟରେ ସନ୍ତୁଷ୍ଟ ହୋଇଥିଲେ ।
ୟୁନାଇଟେଡ ବିଶ୍ବ କୁସ୍ତି ପକ୍ଷରୁ ଜାରି ହୋଇଥିବା ସଦ୍ୟତମ ମାନ୍ୟତାରେ 82ପଏଣ୍ଟ ସହ ମାନ୍ୟତାର ଶୀର୍ଷରେ ଅଛନ୍ତି ଦିପକ ପୁନିଆ । ବିଶ୍ବ ଚମ୍ପିଆନସିପରେ ବ୍ରୋଞ୍ଜ ପଦକ ଜିତିଥିବା ବଜରଙ୍ଗ ପୁନିଆ ଗୋଟିଏ ସ୍ଥାନ ତଳକୁ ଖସିଛନ୍ତି । ସେ 65 କେଜି ବର୍ଗରେ 63 ପଏଣ୍ଟ ସହ ମାନ୍ୟତାର 2ୟ ସ୍ଥାନରେ ଅଛନ୍ତି ।
