ମୁମ୍ବାଇ: ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ ବିଜେତାର ଭବିଷ୍ୟବାଣୀ କରିଛନ୍ତି ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ରିକି ପଏଣ୍ଟିଂ । ମଙ୍ଗଳବାର ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ସିରିଜର ପ୍ରଥମ ମ୍ୟାଚ ଖେଳାଯିବ ।
ଏହି ସିରିଜ ନେଇ ପଏଣ୍ଟିଂ ପୂର୍ବାନୁମାନ କରିଛନ୍ତି । ଭାରତୀୟ ଦଳ ବିଜୟଧାରା ବଜାୟ ରଖିବା ପାଇଁ ଚେଷ୍ଟା କରିବ । ତେବେ ଅଷ୍ଟ୍ରେଲିଆ 3 ମ୍ୟାଚ ଦିନିକିଆ ସିରିଜରେ 2-1ରେ ବାଜିମାତ କରିବ ବୋଲି ଟ୍ବିଟରେ ଲେଖିଛନ୍ତି ପଏଣ୍ଟିଂ । 2019 ଦିନିକିଆ ବିଶ୍ବକପ ପରେ ଅଷ୍ଟ୍ରେଲିଆ ଟିମ ଫର୍ମରେ ରହିଛି । ବିଶେଷ କରି ନିକଟରେ ଶେଷ ହୋଇଥିବା ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜରେ କ୍ଳିନ ସୁଇନ କରିଛି ଦଳ । ଅଷ୍ଟ୍ରେଲିଆ ଗତବର୍ଷ ଭାରତ ଗସ୍ତରେ ଆସି 5 ମ୍ୟାଚ ବିଶିଷ୍ଟ ଦିନିକିଆ ସିରିଜକୁ 3-2ରେ ଜିତିନେଇଥିଲା ।
