ହାଇଦ୍ରାବାଦ: ବର୍ତ୍ତମାନ ଦେଶରେ କାନ୍ସ ଫିଭର ଜାରି ରହିଛି । ଚଳିତ ଥର ୭୭ତମ ଏହି ଅନ୍ତଃରାଷ୍ଟ୍ରୀୟ ଫିଲ୍ମ ମହୋତ୍ସବ ଆରମ୍ଭ ହୋଇଛି । ମେ ୧୪ରୁ ଆରମ୍ଭ ହୋଇଥିବା ବେଳେ ଏହି ଇଭେଣ୍ଟ ମେ ୨୫ ପର୍ଯ୍ୟନ୍ତ ଅର୍ଥାତ ୧୨ଦିନ ଧରି ଅନୁଷ୍ଠିତ ହୋଇଛି । ଏହି ଅବସରରେ ଦେଶର ତମାମ ଅଭିନେତ୍ରୀ ଏବଂ ଅଭିନେତା ଏହି ଇଭେଣ୍ଟରେ ସାମିଲ ହୋଇ ନିଜ ସୌନ୍ଦର୍ଯ୍ୟର ଜଲୱା ଦେଖାଇଛନ୍ତି । ଏହାରି ମଧ୍ୟରେ ବର୍ତ୍ତମାନ ଏହି ଇଭେଣ୍ଟରେ ଓଡ଼ିଆ ପୁଅ ତଥା ଅନ୍ତଃର୍ଜାତୀୟ ସ୍ତରରେ ମାନ୍ୟତା ପାଇଥିବା ଫିଲ୍ମ ନିର୍ମାତା ଜିତେନ୍ଦ୍ର ମିଶ୍ର ସାମିଲ ହୋଇ ଚାର୍ ଚାନ୍ଦ୍ ଲଗାଇଛନ୍ତି ।
କାନ୍ସରେ ଜିତେନ୍ଦ୍ର ମିଶ୍ରଙ୍କ ଜଲୱା
ଓଡ଼ିଶା ଏବଂ ଭାରତର କଳା, ସଂସ୍କୃତି ଏବଂ ସିନେମାର ପ୍ରଚାର ପାଇଁ ଜଣାଶୁଣା ଚଳଚ୍ଚିତ୍ର ନିର୍ମାତା ମିଶ୍ର ପ୍ରତିବର୍ଷ ପରି ସେ ଚଳିତ ବର୍ଷ ମଧ୍ୟ ପୁଣି ଥରେ ସମ୍ମାନଜନକ କାର୍ଯ୍ୟକ୍ରମର ୭୭ ତମ ସଂସ୍କରଣରେ ଦର୍ଶକଙ୍କୁ ଆକର୍ଷିତ କରିଛନ୍ତି । କାନ୍ସ ଫିଲ୍ମ ଫେଷ୍ଟିଭାଲର ରେଡ କାର୍ପେଟରେ ସେ ବ୍ଲାକ ଏବଂ ଲାଲ ରଙ୍ଗର ସମ୍ୱଲପୁରୀ ଡ୍ରେସରେ ସାମିଲ ହୋଇ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏହି ଇଭେଣ୍ଟରେ ତାଙ୍କ ସହ ଆଉ ଜେଣ ଓଡ଼ିଆ ପୁଅ ପାର୍ଥ ପଣ୍ଡା ମଧ୍ୟ ସାମିଲ ହୋଇଛନ୍ତି । ଉଭୟ ଲଣ୍ଡନରେ ରହୁଥିବା ବେଲେ ଏବେ ଏହି ଅନନ୍ୟ ଅନ୍ତର୍ଜାତୀୟ କାର୍ଯ୍ୟକ୍ରମରେ ଉଭୟ ଓଡ଼ିଶାକୁ ପ୍ରତିନିଧିତ୍ୱ କରି ଯୋଗ ଦେଇ ନିଜର ପରିଚୟ ସୃଷ୍ଟି କରି ଓଡ଼ିଶା ପାଇଁ ଗୌରବ ଆଣିଛନ୍ତି ।
୨୦୧୨ରେ କାନ୍ସରେ ଡେବ୍ୟୁ କରିଥିଲେ ଜିତେନ୍ଦ୍ର
ସୂଚନା ଥାଉ କି, ଏକ ଦଶନ୍ଧିରୁ ଅଧିକ ସମୟ ଧରି ଜିତେନ୍ଦ୍ର ଏହି ଇଭେଣ୍ଟରେ ସାମିଲ ହୋଇ ସମ୍ବଲପୁରୀ ହସ୍ତତନ୍ତକୁ ପ୍ରୋତ୍ସାହିତ କରୁଥିବା ନଜର ଆସିଛନ୍ତି । ଜିତେନ୍ଦ୍ର ନିଜେ ଡିଜାଇନ୍ କରିଥିବା ସମ୍ବଲପୁରୀ ପୋଷାକରେ ଏହି ଉତ୍ସବରେ ସାମିଲ ହୋଇଥାନ୍ତି । ୨୦୧୨ରେ ଜିତେନ୍ଦ୍ର କାନ୍ସରେ ଡେବ୍ୟୁ କରିଥିଲେ । ସେବେ ଠାରୁ ସେ ଏହି ଇଭେଣ୍ଟରେ ସାମିଲ ହୋଇଆସୁଛନ୍ତି । ୨୦୨୨ ମସିହାରେ ଜିତେନ୍ଦ୍ର ତାଙ୍କ ପତ୍ନୀ ଡୋନାଙ୍କ ସହ ସମ୍ବଲପୁରୀ ପୋଷାକରେ କାନ୍ସ ରେଡ କାର୍ପେଟରେ ସାମିଲ ହୋଇଥିଲେ । ସେହିପରି ୨୦୨୩ରେ ସେ ପାର୍ଥ ପଣ୍ଡାଙ୍କ ସହ ଯୋଗ ଦେଇଥିଲେ । ତେବେ ଚଳିତ ବର୍ଷ ମଧ୍ୟ ଉଭୟ ପୁଣି ଏଠାରେ ସାମିଲ ହୋଇଛନ୍ତି ।
ଜିତେନ୍ଦ୍ର ମିଶ୍ର କିଏ ?
ସୂଚନାଯୋଗ୍ୟ ଯେ ଓଡ଼ିଶାର ଟିଟିଲାଗଡରେ ଜନ୍ମଗ୍ରହଣ କରିଥିବା ଜିତେନ୍ଦ୍ର ମିଶ୍ର ଆଜି ଅନ୍ତର୍ଜାତୀୟ ସ୍ତରରେ ବେଶ ମାନ୍ୟତା ହାସଲ କରିଛନ୍ତି । ଜିତେନ୍ଦ୍ର ଅନ୍ତର୍ଜାତୀୟ ସ୍ତରରେ ଚଳଚ୍ଚିତ୍ର ବିତରଣ ଏବଂ ପଦୋନ୍ନତିର ବିକଳ୍ପ ପଦ୍ଧତି'ରେ ଏକ ମାନଦଣ୍ଡ ସୃଷ୍ଟି କରିବାରେ ସକ୍ଷମ ହୋଇଥିବା ଭାରତୀୟ ଚଳଚ୍ଚିତ୍ର ନିର୍ମାତା ତଥା ପ୍ରମୋଟରଙ୍କ ମଧ୍ୟରୁ ମିଶ୍ର ଅନ୍ୟତମ । ଜିତେନ୍ଦ୍ର ବିଭିନ୍ନ ବର୍ଗର ୧୧୦ରୁ ଅଧିକ ଚଳଚ୍ଚିତ୍ରର ନିର୍ମାତା ଏବଂ ପ୍ରୋତ୍ସାହନ ସହ ଜଡିତ । ସେମାନଙ୍କ ମଧ୍ୟରୁ ଅନେକ ବିଶ୍ୱବ୍ୟାପୀ ପ୍ରଶଂସା ଏବଂ ସ୍ୱୀକୃତି ପାଇଛନ୍ତି । ଆଇ ଏମ୍ କଲାମ, ଦ ଲାଷ୍ଟ କଲର, ଡିଜାୟର୍ସ ଅଫ ଦ ହାର୍ଟ ହ୍ୟୁମାନ୍ ଓକ୍ ଭଳି ଫିଲ୍ମର ସେ ପ୍ରସ୍ତୁତ କରିଛନ୍ତି ।
ଅନ୍ତର୍ଜାତୀୟ ସ୍ତରରେ ମାନ୍ୟତା ପାଇଛନ୍ତି ଜିତେନ୍ଦ୍ର
କେବଳ ଏତିକି ନୁହଁ ଜିତେନ୍ଦ୍ର ମିଶ୍ର ଅନନ୍ୟ ଚଳଚ୍ଚିତ୍ର ମହୋତ୍ସବ ତଥା ଫୋରମ୍ SIFFCY ର ଫେଷ୍ଟିଭାଲ୍ ନିର୍ଦ୍ଦେଶକ, ଭାରତର ଅଗ୍ରଣୀ ବିକାଶ ସଂଗଠନ ସ୍ମାଇଲ୍ ଫାଉଣ୍ଡେସନର ଏକ ଅଂଶ ରହିସାରିଛନ୍ତି । ବର୍ତ୍ତମାନ ଜିତେନ୍ଦ୍ର ବିଶ୍ୱର ସର୍ବବୃହତ ତଥା ସର୍ବ ପୁରାତନ ବିଶ୍ୱ ଗଣମାଧ୍ୟମ ନେଟୱାର୍କ ମଧ୍ୟରୁ ଅନ୍ୟତମ CIFEJର ଗୁଡୱିଲ ରାଷ୍ଟ୍ରଦୂତ(Goodwill Ambassador) ଅଟନ୍ତି । ଯାହା ୧୯୫୫ ମସିହାରେ ୟୁନେସ୍କୋ ଅଧୀନରେ ଗଠିତ ହୋଇଥିଲା । ସେ ୨୦୨୦ ରେ ସଂସ୍ଥାର ସଭାପତି ଭାବରେ ନିର୍ବାଚିତ ହୋଇଥିଲେ । କାନ୍ସର ସଦସ୍ୟ ରହିସାରିଛନ୍ତି ଜିତେନ୍ଦ୍ର ଏବଂ ସେ ୫୦ ରୁ ଅଧିକ ବିଭିନ୍ନ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ସହ ଅନେକ ମଞ୍ଚରେ ସେ ଏକ ଜୁରି ସଦସ୍ୟ ଭାବରେ ଆମନ୍ତ୍ରିତ ହୋଇସାରିଛନ୍ତି ।
ଏହା ମଧ୍ୟ ପଢନ୍ତୁ: ବିଶ୍ବ ଦରବାରରେ ଚମକିଲା ସମ୍ବଲପୁରୀ ପୋଷାକ, ରେଡ କାର୍ପେଟରେ ଚାଲିଲେ ଓଡ଼ିଆ ଦମ୍ପତି
ବ୍ୟୁରୋ ରିପୋର୍ଟ, ଇଟିଭି ଭାରତ
