ମୁମ୍ବାଇ: ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ତଥା କନ୍ନଡ ଅଭିନେତା ସଞ୍ଚାରୀ ବିଜୟଙ୍କ ଦେହାନ୍ତ ଏକ ସଡ଼କ ଦୁର୍ଘଟଣାରେ ହୋଇଛନ୍ତି। ଦୁର୍ଘଟଣା ପରେ ତାଙ୍କ ଅବସ୍ଥା ଅତ୍ୟନ୍ତ ଗୁରୁତର ଥିଲା । ଅଭିନେତାଙ୍କ ଭାଇ ସିଦ୍ଧେଶ କୁମାର ରବିବାର ସୂଚନା ଦେଇଥିଲେ ଯେ ଅଭିନେତା ଏକ ବାଇକରେ ଯାଉଥିବା ସମୟରେ ଶନିବାର ଗାଡିଟି ଖସିଯିବାରୁ ଦୁର୍ଘଟଣା ଘଟିଥିଲା ।
ଏହି ଦୁର୍ଘଟଣାରେ ଗଭୀର ଦୁଃଖ ପ୍ରକାଶ କରି ସିଦ୍ଧେଶ ଗଣମାଧ୍ୟମକୁ ଜଣାଇଥିଲେ ଯେ ଦୁର୍ଘଟଣା ପରେ ଅଭିନେତା କୋମାରେ ଥିବା କଥା । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଯାହାଦ୍ବାରା ରକ୍ତସ୍ରାବ ହୋଇଥିଲା । ଆସନ୍ତା 48 ଘଣ୍ଟା ଅତ୍ୟନ୍ତ ଗୁରୁତର ହେବାକୁ ଯାଉଛି ବୋଲି ଡାକ୍ତରମାନେ କହିଥିବା ବେଳେ ସୋମବାର ତାଙ୍କ ଦେହାନ୍ତ ହୋଇଛି । ବର୍ତ୍ତମାନ ତାଙ୍କ ମୃତ୍ୟୁରେ କନ୍ନଡ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି ।
ପ୍ରକାଶ ଥାଉକି ବିଜୟଙ୍କୁ ‘ନାନୁ ଆଭାନାଲା ଆଭାଲୁ’ ପାଇଁ ପୁରସ୍କାର ପ୍ରଦାନ କରାଯାଇଥିଲା। ସେହିପରି ଶେଷଥର ତାଙ୍କୁ ଫିଲ୍ମ ଆକ୍ଟ 1978ରେ ଦେଖିବାକୁ ମିଳିଥିଲା ।
