ମୁମ୍ବାଇ: ଆଗାମୀ ଫିଲ୍ମ 'ଏକ ବନ୍ଦା କାଫି ହେ'କୁ ନେଇ ଚର୍ଚ୍ଚାରେ ରହିଛନ୍ତି ବଲିଉଡ ଅଭିନେତା ମନୋଜ ବାଜପେୟୀ । ବିବାଦ ପରେ ବି ନ୍ୟୁୟର୍କ ଭାରତୀୟ ଫିଲ୍ମ ମହୋତ୍ସବରେ 'ଏକ ବନ୍ଦା କାଫି ହେ'ର ସ୍ପେଶାଲ ସ୍କ୍ରିନିଂ ହୋଇଥିଲା । ଏହାରି ମଧ୍ୟରେ ବର୍ତ୍ତମାନ ଫିଲ୍ମର ଗୀତ 'ସାହାରା ତୁ ମେରା'ର ନୂଆ ଗୀତର ଝଲକ ସେୟାର କରିଛନ୍ତି ଅଭିନେତା । ଯାହାକୁ ଫ୍ୟାନ୍ସ ଖୁବ ପସନ୍ଦ କରିଥିବା ଜଣାପଡିଛି।
- " class="align-text-top noRightClick twitterSection" data="
">
ସେପଟେ ସୋସିଆଲ ମିଡିଆରେ ସମ୍ପୂର୍ଣ୍ଣ ଗୀତ ରିଲିଜ ହୋଇଛି । 'ସାହାରା ତୁ ମେରା' ଗୀତଟିକୁ ସିଦ୍ଧାର୍ଥ ହଲଦିପୁର ଏବଂ ଅସିସ୍ କୌର ଗୀତ ଗାଇଛନ୍ତି । ଏହି ଗୀତର ସଂଳାପ ଲେଖିଛନ୍ତି ଗରିମା ଓବରଏ । ତେବେ 'ସାହାରା ତୁ ମେରା' ଗୀତକୁ ବେଶ ପସନ୍ଦ କରିଛନ୍ତି ଫ୍ୟାନ୍ସ । ଏହି ଫିଲ୍ମରେ ମନୋଜ ଜଣେ ଓକିଲ ଭୂମିକାରେ ଅଭିନୟ କରିଛନ୍ତି । ମେ' 8ରେ ଫିଲ୍ମର ଟ୍ରେଲର ରିଲିଜ ହେବା ପରେ ବିବାଦକୁ ଆସିଥିଲା । ଏବଂ ଆଶାରାମ ବାପୁ ଟ୍ରଷ୍ଟ ଫିଲ୍ମ ନିର୍ମାତାଙ୍କୁ ନୋଟିସ୍ ଜାରି କରିଥିଲେ ।
ଏହାପୂର୍ବରୁ, ନିର୍ମାତାମାନେ ଫିଲ୍ମର ଟାଇଟଲ୍ ଟ୍ରାକ୍ ସେୟାର କରିଥିଲେ ଏବଂ ଏହା ମଧ୍ୟ ଦର୍ଶକଙ୍କୁ ବେଶ ପସନ୍ଦ ଆସିଥିଲା । ଏହି ଫିଲ୍ମ ଏକ ହୃଦୟସ୍ପର୍ଶୀ କାହାଣୀକୁ ନେଇ ନିର୍ମିତ । କିଭଳି ଜଣେ ସାଧାରଣ ମଣିଷର ଇଚ୍ଛା ଶକ୍ତି ଏବଂ ଜଣେ ଆତ୍ମ ଘୋଷିତ ସାଧୁ ସନ୍ଥଙ୍କ ଶକ୍ତି ଯୁଦ୍ଧ ମଧ୍ୟରେ ସାଧାରଣ ଲୋକ ସର୍ବଦା ଜିତେ, କାରଣ କୌଣସି ବ୍ୟକ୍ତି ଆଇନଠାରୁ ଉର୍ଦ୍ଧ୍ୱରେ ନାହାଁନ୍ତି । ଏହା ହିଁ ଫିଲ୍ମର ବାର୍ତ୍ତା ଦିଆଯାଇଛି ।
- " class="align-text-top noRightClick twitterSection" data="">
ରିପୋର୍ଟ ଅନୁସାରେ, ଫିଲ୍ମର ଟ୍ରେଲରରେ ଦର୍ଶାଯାଇଥିଲା ଯେ,"ସିର୍ଫ ଏକ ବନ୍ଦା କାଫି ହେ' ବାସ୍ତବ ଜୀବନର ଘଟଣା ଉପରେ ଆଧାରିତ ହୋଇଛି । ଏହା ହେଉଛି ହାଇକୋର୍ଟର ଜଣେ ଓକିଲଙ୍କ କାହାଣୀ, ଯିଏ ପୋକ୍ସୋ ଅଧିନିୟମ ଅନୁଯାୟୀ ନ୍ୟାୟ ପାଇବା ପାଇଁ ଜଣେ ନାବାଳିକା ଦୁଷ୍କର୍ମ ପୀଡ଼ିତାଙ୍କ ମାମଲା ଲଢିଥିଲେ । ବାସ୍ତବରେ, ଫିଲ୍ମରେ ଜଣେ 16 ବର୍ଷର ନାବାଳିକା ଜଣେ ବାବାଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଛନ୍ତି । ଏହି ଫିଲ୍ମରେ ବାବାଙ୍କ ରୂପ ଆଶାରାମଙ୍କ ସହ ମେଳ ଖାଉଛି । ତେଣୁ ଅନୁମାନ କରାଯାଇପାରେ ଯେ ଫିଲ୍ମଟି କେବଳ ଆଶାରାମଙ୍କ ମାମଲା ସହ ଜଡିତ ।
ଏହି ଫିଲ୍ମଟି ଆଶାରାମଙ୍କ ବିରୋଧରେ ଲଢିଥିବା ଓକିଲ ପିସି ସୋଲାଙ୍କିଙ୍କ ଜୀବନୀ ଉପରେ ଆଧାରିତ । ଏହି ଫିଲ୍ମରେ ମନୋଜ ବାଜପେୟୀ ତାଙ୍କ ଭୂମିକାରେ ଅଭିନୟ କରିଛନ୍ତି । ପିସି ସୋଲଙ୍କି ସମ୍ପୂର୍ଣ୍ଣ ନାମ ହେଉଛି ପୁନମ୍ ଚାନ୍ଦ ସୋଲାଙ୍କି । ଯିଏ ଆଶାରାମ ମାମଲାରେ ଦୁଷ୍କର୍ମ ପୀଡ଼ିତାଙ୍କ ପକ୍ଷରୁ ଓକିଲାତି କରିଥିଲେ । ସୋଲାଙ୍କି କେବଳ ଏହି ମାମଲାରେ ଲଢ଼ିନଥିଲେ ବରଂ ସେହି ଝିଅକୁ ନ୍ୟାୟ ମଧ୍ୟ ଦେଇଥିଲେ । ଏଣୁ ଏହି ଫିଲ୍ମର ଟ୍ରେଲର ରିଲିଜ ପରେ ଫିଲ୍ମ ବିବାଦ ଘେରକୁ ଆସିଛି ।
ସୂଚନା ଥାଉ କି, ଅପୂର୍ବ ସିଂ କାର୍କି 'ସିର୍ଫ ଏକ ବନ୍ଦା କାଫି ହେ' ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମ ZEE5ରେ ମେ' 23ରେ ରିଲିଜ ହେବ । ମନୋଜ ବାଜପେୟୀ ମୁଖ୍ୟ ଭୂମିକାରେ ଅଭିନୟ କରିଥିବା ବେଳେ ଏହି ଫିଲ୍ମର ଲେଖକ ହେଉଛନ୍ତି ଦୀପକ କିଙ୍ଗ୍ରାନି । ସେପଟେ ଅଭିନେତା ମନୋଜ ବାଜପେୟୀ ଇଣ୍ଡଷ୍ଟ୍ରିରେ ତାଙ୍କର ଗମ୍ଭୀର ଭୂମିକା ପାଇଁ ଜଣାଶୁଣା ଥିବା ବେଳେ ନିଜ ଅଭିନୟରେ ବେଶ ଲୋକପ୍ରିୟତା ହାସଲ କରିଛନ୍ତି । ତେବେ ତାଙ୍କ ଅଭିନୀତ ଏହି ଫିଲ୍ମ ମଧ୍ୟ ଦର୍ଶକଙ୍କୁ ବେଶ ପସନ୍ଦ ଆସିବ ବୋଲି ଆଶା କରାଯାଉଛି ।
