ଭୁବନେଶ୍ବର: ରାଜ୍ୟରେ ଚାଲିଛି ପୌର ନିର୍ବାଚନ । ସହରୀ ନେତା ବାଛୁଛନ୍ତି ଭୋଟର । ଏହି କ୍ରମରେ ନିଜର ମତ ସାବ୍ୟସ୍ତ କରିଛନ୍ତି ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର । ଭୁବନେଶ୍ୱର ୩୭ନମ୍ବର ୱାର୍ଡର ବୁଥ ନମ୍ବର ୩୮୫ରେ ନିଜର ମତ ଅଧିକାର ସାବ୍ୟସ୍ତ କରିଛନ୍ତି ଶ୍ରୀମୟୀ । ନଜର ମୌଳିକ ଅଧିକାର ସାବ୍ୟସ୍ତ କରିବାକୁ ଜନସାଧାରଣଙ୍କୁ ଶ୍ରୀମୟୀ ଆହ୍ୱାନ କରିଛନ୍ତି ।
Municipal Election: ଭୋଟ ଦେଲେ ଓଟିଡିସି ଅଧ୍ୟକ୍ଷା, ମୌଳିକ ଅଧିକାର ସାବ୍ୟସ୍ତ କରିବାକୁ କଲେ ଆହ୍ୱାନ
ଭୋଟ ଦେବା ପରେ ଶ୍ରୀମୟୀ କହିଛନ୍ତି ଯେ, ଭୁବନେଶ୍ଵର ମହାନଗର ନିଗମ ନିର୍ବାଚନ ପାଇଁ ଆଜି ନିଜର ମତାଧିକାର ସାବ୍ୟସ୍ତ କଲି । ଗଣତନ୍ତ୍ରର ଏହି ମହାନ ପର୍ବ ଆମକୁ ନିଜର ପ୍ରତିନିଧି ଚୟନର କରିବାର ଅଧିକାର ଦେଇଛି । ଆସନ୍ତୁ ସମସ୍ତେ ମିଳିମିଶି ନିଜର ମୂଲ୍ୟବାନ ଭୋଟ ଦେଇ ଗଣତାନ୍ତ୍ରିକ ବ୍ୟବସ୍ଥାକୁ ଅଧିକ ସୁଦୃଢ଼ କରିବା । ମତଦାନ ସବୁ ନାଗରିକଙ୍କ ମୌଳିକ ଅଧିକାର । ମୁଁ ମୋର ମୌଳିକ ଅଧିକାର ସାବ୍ୟସ୍ତ କରିଛି । ସମସ୍ତେ ନିଜର ମତ ଅଧିକାର ସାବ୍ୟସ୍ତ କରନ୍ତୁ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
