ଭୁବନେଶ୍ବର: ଆଜି ବିଜେପିର 42 ତମ ପ୍ରତିଷ୍ଠା ଦିବସ । ଏହି ଅବସରରେ ରାଜ୍ୟ କାର୍ଯ୍ୟାଳୟରେ ବିଜେପି କାର୍ଯ୍ୟାକତ୍ତା ପ୍ରତିଷ୍ଠା ଦିବସ ପାଳନ କରିଛି । ସଭାପତି ସମୀର ମହାନ୍ତି ସମେତ ସମ୍ବିତ ପାତ୍ର ଓ ବିଜେପିର ନେତାମାନେ ଉପସ୍ଥିତି ଥିଲେ ।
ପ୍ରତିଷ୍ଠା ଦିବସରେ ଓଡିଶାକୁ 1 ନଂ କରିବାକୁ ବିଜେପିର ସଂକଳ୍ପ
ଏହି ଅବସରେ ସଭାପତି ସମୀର ମହାନ୍ତି କହିଛନ୍ତି, ଓଡିଶାରେ ବିଜେପିକୁ ସମର୍ଥନ ମିଳୁଛି । ଯାହା ଅତ୍ୟନ୍ତ ଉତ୍ସହଜନକ ରହିଛି । ପୂର୍ବତନ ପ୍ରଧାନମନ୍ତ୍ରୀ ଭାରତ ରତ୍ନ ଅଟଳ ବିହାରୀ ବାଜପେୟୀ ଓ ନରେନ୍ଦ୍ର ମୋଦିଙ୍କ ଯୁଗାନ୍ତକାରୀ ଦେଶଉପଯୋଗୀ ପଦକ୍ଷେପ କାର୍ଯ୍ୟକାରୀ ହୋଇଛି । ଆଜି ବିଜେପି ବିଶ୍ବରେ ଏକ ଶକ୍ତିଶାଳୀ ଦଳ ଭାବେ ନିଜକୁ ପ୍ରସ୍ତୁତ କରୁଛି । ବିଜେପିର ପ୍ରଥମେ ଦେଶ, ପରେ ଦଳ ବିଚାରଧାରା ନେଇ ଓଡିଶାବାସୀଙ୍କ ସମର୍ଥନ ପାଇବ । ଜନ ସମର୍ଥନ ପରେ ଓଡିଶାକୁ ପୂର୍ବ ଭାରତରେ 1ନଂ ରାଜ୍ୟ କରିବେ ବୋଲି ଆଜି ସମସ୍ତ ବିଜେପି କାର୍ଯ୍ୟକତ୍ତା ସଂକଳ୍ପ ନିଅନ୍ତୁ ବୋଲି ସଭାପତି କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
