ବ୍ରହ୍ମପୁର: ସବୁବେଳେ ନିଜ ନିଆରା ବ୍ୟକ୍ତିତ୍ବ ପାଇଁ ଚର୍ଚ୍ଚାରେ ରହୁଥିବା ଗଞ୍ଜାମ ଜିଲ୍ଲାପାଳ ପୁଣି ପାଲଟିଛନ୍ତି ଚର୍ଚ୍ଚାର କେନ୍ଦ୍ର ବିନ୍ଦୁ । ଏହାପୂର୍ବରୁ ମଧ୍ୟ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ଅନେକ ଭିଡିଓ ସୋସିଆଲ ମିଡିଆରେ ପ୍ରଶଂସା ସାଉଣ୍ଟିଥିବା ବେଳେ ଏବେ ପୁଣି ସାମ୍ନାକୁ ଆସିଛି ଜିଲ୍ଲାପାଳଙ୍କ ପରିବା କିଣା ଭିଡିଓ । ବୁଧବାର ସୋରଡା ବ୍ଲକ ଗସ୍ତରେ ଥିବା ସମୟରେ ଜିଲ୍ଲାପାଳ ରାସ୍ତା କଡରେ ଥିବା ଏକ ପରିବା ଦୋକାନରେ କିଛି ସମୟ ପାଇଁ ଅଟକି ଯାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।
ରାସ୍ତା କଡରୁ ପରିବା କିଣି ଚର୍ଚ୍ଚା ଗଞ୍ଜାମ ଜିଲ୍ଲାପାଳ
ଏହି ଭିଡିଓରେ ଦେଖିବାକୁ ମିଳିଛି କି ଜିଲ୍ଲାପାଳ ରାସ୍ତା କଡରେ ଥିବା ଏକ ଛୋଟିଆ ପନିପରିବା ଦୋକାନରେ ଅଟକି ପନିପରିବାର ଦରଦାମ ପଚାରି ବୁଝିଛନ୍ତି । ଶେଷରେ ସେ ଦୋକାନରୁ 100 ଟଙ୍କା ଦେଇ ଏକ ପାଣି କଖାରୁ ମଧ୍ୟ କିଣିଥିବା ଦେଖାଯାଇଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
