ହାଇଦ୍ରାବାଦ: ହିତାହିତ ଜ୍ଞାନ ଭୁଲିଲା, ରାସ୍ତା ମଝିରେ ମହିଳାଙ୍କ ଦେହରୁ ପୋଷାକ ଚିରିଲା ମଦ୍ୟପ । ଏଭଳି ଦୃଶ୍ୟକୁ ଉପସ୍ଥିତ ଥିବା ଲୋକେ ଦେଖୁଥିଲେ ମଧ୍ୟ ମଦ୍ୟପକୁ କେହି ମଧ୍ୟ ଅଟକାଇ ନଥିଲେ । ତେବେ ମଦ୍ୟପ ଜଣକୁ ଏଭଳି କାର୍ଯ୍ୟରୁ ବାଧା ଦେବା ପରିବର୍ତ୍ତେ ସେଠାରେ ଉପସ୍ଥିତ ଲୋକ ଏହାର ଫଟୋ ଓ ଭିଡିଓ କରୁଥିଲେ । ତେଲେଙ୍ଗାନାର ଜବାହରନଗରରେ ଏଭଳି ଏକ ଲଜ୍ଜ୍ୟାଜନକ ଘଟଣା ଦେଖିବାକୁ ମିଳିଛି ।
ସୂଚନା ଅନୁସାରେ, ଗତ ରବିବାର ରାତି 8.30 ସମୟରେ ତେଲେଙ୍ଗାନାର ଜବାହରନଗର ଅଞ୍ଚଳର ପେଡ୍ଡା ମାରାୟା ନାମକ ଜଣେ ବ୍ୟକ୍ତି ଅତ୍ୟଧିକ ମଦ୍ୟପାନ କରିଥିଲେ । ନିଶାଶକ୍ତ ବ୍ୟକ୍ତି ଜଣକ ତାଙ୍କ ମାଆଙ୍କ ସହିତ ନିଜ ଘରକୁ ଫେରିବା ପାଇଁ ବାଲାଜିନଗର ବସ୍ଷ୍ଟାଣ୍ଡରେ ଅପେକ୍ଷା କରିଥିଲେ । ଏହି ସମୟରେ ଜଣେ 28 ବର୍ଷୀୟା ମହିଳା ଏକ ଦୋକାନରୁ ବାହାରି ଚାଲି ଚାଲି ଆସୁଥିଲେ । ମହିଳା ଜଣକଙ୍କୁ ଦେଖି ମାରାୟା ତାଙ୍କ ହାତକୁ ଜାବୁଡି ଧରିବା ସହ ତାଙ୍କୁ ଦୁର୍ବ୍ୟବହାର କରିଥିଲା । ତେବେ ମହିଳା ଜଣକ ଏଥିରେ ରାଗିଯାଇ ମଦ୍ୟପ ଜଣକୁ ଠେଲି ଦୂରକୁ ଚାଲିଯାଇଥିଲେ ।
ଏହା ମଧ୍ୟ ପଢନ୍ତୁ...ରାଜଧାନୀରେ ଚାଞ୍ଚଲ୍ୟ ! ମହିଳାଙ୍କୁ ଗୁଳି କରିବା ପରେ ଜୀବନ ହାରିଲା ହତ୍ୟାକାରୀ
ଏହାପରେ ମଦ୍ୟପ ଜଣକ ନିଜ ଉପରୁ ନିୟନ୍ତ୍ରଣ ହରାଇ ମହିଳାଙ୍କୁ ଆକ୍ରମଣ କରିଥିଲା । ତେବେ ମହିଳା ଜଣକ ଏଥିରେ ବାଧା ଦେବାରୁ ମଦ୍ୟପ ବ୍ୟକ୍ତି ବଳପୂର୍ବକ ମହିଳାଙ୍କ ପୋଷାକକୁ ଚିରି ଦେଇଥିଲା । ଏତେ ସବୁ ଘଟଣା ପରେ ମଧ୍ୟ ସେଠାରେ ଉପସ୍ଥିତ ଥିବା ମଦ୍ୟପ ବ୍ୟକ୍ତିର ମାଆ ଏହାକୁ ଅଟକାଇ ନଥିଲେ । ଏହି ସମୟରେ ଅନ୍ୟ ଜଣେ ମହିଳା ସେହି ବାଟରେ ବାଇକରେ ଯାଉଥିବାବେଳେ ମଦ୍ୟପ ବ୍ୟକ୍ତିକୁ ଏଭଳି କଣ ପାଇଁ କରୁଛ ବୋଲି ପଚାରିବା ସହ ତାଙ୍କୁ ଅଟକାଇବା ପାଇଁ ଚେଷ୍ଟା କରିଥିଲେ । କିନ୍ତୁ ମଦ୍ୟପ ଜଣକ ତାଙ୍କୁ ମଧ୍ୟ ଆକ୍ରମଣ କରିବାକୁ ପଛାଇନଥିଲା ।
ଏହି ଘଟଣା ଘଟିବା ସମୟରେ ସେଠାରେ ଉପସ୍ଥିତ ଥିବା ଲୋକମାନେ କେହି ମଧ୍ୟ ମଦ୍ୟପ ବ୍ୟକ୍ତିକୁ ଅଟକାଇବାକୁ ଚେଷ୍ଟା କରିନଥିଲେ । ଏହା ସହ ଲୋକମାନେ ବିବେକ ଶୂନ୍ୟ ହୋଇ ଏହି ସମୟର ଫଟୋ ଓ ଭିଡିଓ କରୁଥିଲେ । ତେବେ ଏଭଳି 15 ମିନିଟ ପର୍ଯ୍ୟନ୍ତ ମହିଳା ଜଣଙ୍କ ଉଲଗ୍ନ ହୋଇ ରାସ୍ତାରେ କାନ୍ଦୁଥିଲେ ମଧ୍ୟ କେହି ତାଙ୍କୁ ସାହାଯ୍ୟ ମଧ୍ୟ କରିନଥିଲେ । ଏହା ପରେ ମଦ୍ୟପ ବ୍ୟକ୍ତି ଜଣକ ସେଠାରୁ ଚାଲିଯିବା ପରେ କିଛି ବ୍ୟକ୍ତି ଆସି ମହିଳାଙ୍କୁ ଏକ କମ୍ବଳ ଘୋଡାଇବା ସହ ଜବାହରନଗର ପୋଲିସକୁ ଏନେଇ ସୂଚନା ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
