ହାଇଦ୍ରାବାଦ: ତବୁ ହିନ୍ଦୀ ସିନେମାର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜଣେ । ୯୦ ଦଶକରୁ ସେ ହିନ୍ଦୀ ଫିଲ୍ମରେ ନିଜ ଦମଦାର ଅଭିନୟ ସହ ଦର୍ଶକଙ୍କ ମନ ଜିତିଛନ୍ତି । ବଲିଉଡରେ ସଫଳତାର ହାସଲ କରିଥିବା ତବୁ ବର୍ତ୍ତମାନ ପ୍ରିୟଙ୍କା ଚୋପ୍ରାଙ୍କ ପରି ହଲିଉଡରେ ନିଜର ଜଲୱା ଦେଖାଇବାକୁ ପ୍ରସ୍ତୁତ ଅଛନ୍ତି। ସେ ଆମେରିକୀୟ ଚଳଚ୍ଚିତ୍ର 'ଡ୍ୟୁନ୍'ର ପ୍ରିକ୍ୱେଲ୍ ସିରିଜ୍' 'ଡ୍ୟୁନ୍: ପ୍ରୋଭେସି'ରେ ନଜର ଆସିବାକୁ ଯାଉଛନ୍ତି ।
ରିପୋର୍ଟ ଅନୁଯାୟୀ, ଡ୍ୟୁନ୍ର ପ୍ରିକ୍ୱେଲ ସିରିଜରେ ତବୁଙ୍କ ଚରିତ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି । ୨୦୧୯ ମସିହାରେ ନିର୍ମାତାମାନେ ଏହାକୁ 'ଡ୍ୟୁନ୍: ଦ ସିଷ୍ଟରୟୁଡ' ଟାଇଟଲ୍ ସହ ଆରମ୍ଭ କରିଥିଲେ । ଯାହାର କାହାଣୀ ବ୍ରାଏନ୍ ହେର୍ବର୍ଟ ଏବଂ କେଭିନ୍ ଜେ ଆଣ୍ଡରସନଙ୍କ ଦ୍ୱାରା ଲିଖିତ ଉପନ୍ୟାସରୁ ଅନୁପ୍ରାଣିତ ହୋଇଛି । ଖବର ଅନୁଯାୟୀ, ଏହା ହେଉଛି ଡ୍ୟୁନ୍ ୟୁନିଭର୍ସର ସବୁଠାରୁ ମହଙ୍ଗା ପ୍ରିକ୍ୱେଲ୍ ସିରିଜ୍, ଯାହା ଲେଖକ ଫ୍ରାଙ୍କ ହାର୍ବର୍ଟଙ୍କ ଦ୍ୱାରା ନିର୍ମିତ। ଏହି ଧାରାବାହିକର କାହାଣୀ 'ଡ୍ୟୁନ୍: ପ୍ରୋଭେସି' ର ୧୦ହଜାର ବର୍ଷ ପୂର୍ବର କାହାଣୀ ପ୍ରଦର୍ଶିତ ହେବ ।
ତବୁ ଏହି ଚରିତ୍ରରେ ନଜର ଆସିବେ:- ଡ୍ୟୁନର ଏହି ପ୍ରିକ୍ୱେଲ୍ ସିରିଜରେ, ତବୁ ସିଷ୍ଟର ଫ୍ରାନ୍ସିସ୍କା ଭୂମିକାରେ ନଜର ଆସିବେ, ଯାହାର ବ୍ୟକ୍ତିତ୍ୱ ବହୁତ ଶକ୍ତିଶାଳୀ, ସ୍ମାର୍ଟ ଏବଂ ବହୁତ ଚିତ୍ତାକର୍ଷକ ଏବଂ ଯାହାଙ୍କ ଉପସ୍ଥିତି ଲୋକଙ୍କ ଉପରେ ପ୍ରଭାବ ପକାଇଥାଏ । ସେ ଏପରି ଏକ ଚରିତ୍ରରେ ଅଭିନୟ କରନ୍ତି ଯିଏ ଏକ ସମୟରେ ଜଣେ ରାଜାଙ୍କ ପ୍ରେମରେ ପଡିଛନ୍ତି ଏବଂ ତାଙ୍କ ସମ୍ରାଟଙ୍କ ପ୍ରତ୍ୟାବର୍ତ୍ତନ ଅପେକ୍ଷାରେ ପ୍ରାସାଦରେ ନିଜ ଜୀବନ ଉତ୍ସର୍ଗ କରିଛନ୍ତି ।
ଏହା ମଧ୍ୟ ପଢନ୍ତୁ: 'ଓରୋ ମେ କାହାଁ ଦମ ଥା'ର ରିଲିଜ ଡେଟ୍ ଘୋଷଣା, ଫିଲ୍ମରେ ନଜର ଆସିବେ ଅଜୟ-ତବୁ
କହିରଖୁଛୁ କି, ତବୁ ପୂର୍ବରୁ ମଧ୍ୟ ହଲିଉଡ ଚଳଚ୍ଚିତ୍ରର ଏକ ଅଂଶ ହୋଇସାରିଛନ୍ତି । ସେ ୨୦୦୬ରେ ରିଲିଜ ହୋଇଥିବା ନେମସେକ୍ ଏବଂ ୨୦୧୨ରେ ରିଲିଜ ହୋଇଥିବା 'ଲାଇଫ୍ ଅଫ୍ ପାଇ'ରେ କାମ କରିଛନ୍ତି । ତବୁଙ୍କ ଅନ୍ୟାନ୍ୟ ପ୍ରୋଜେକ୍ଟ ବିଷୟରେ କହିବାକୁ ଗଲେ, ତାଙ୍କୁ ଶେଷ ଥର ପାଇଁ ରାଜେଶ ଏ କୃଷ୍ଣନଙ୍କ ନିର୍ଦ୍ଦେଶିତ 'ଦ କ୍ରୁ'ରେ ଦେଖିବାକୁ ମିଳିଥିଲା । ଏଥିରେ କରୀନା କପୁର ଏବଂ କ୍ରିତି ସାନନ ତାଙ୍କ ସହ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିଲେ । ପରବର୍ତ୍ତୀ ସମୟରେ ସେ ଅଜୟ ଦେବଗନଙ୍କ ସହ 'ଓରୋ ମେ କାହା ଦମ ଥା'ରେ ନଜର ଆସିବେ । ଏହି ରୋମାଣ୍ଟିକ ଡ୍ରାମା ଜୁଲାଇ ୫ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
