मुंबई - अभिनेत्री पूजा हेगडेने गुरुवारी तिच्या सोशल मीडिया हँडलवर एक फोटो आणि व्हिडिओ क्लिप शेअर केली आणि तिच्या चाहत्यांना कळवले की तिला घोट्याला दुखापत झाली आहे. दुखापतीनंतरही ती काम करत होती. पूजा तिच्या आगामी 'किसी का भाई किसी की जान' या चित्रपटाच्या शूटिंगमध्ये व्यग्र आहे.
पूजा हेगडेने तिच्या इंस्टाग्राम स्टोरीजवर एका मोठ्या उशीवर तिच्या जखमी पायाचा फोटो पोस्ट केल आहे. यात तिने आपल्या घोट्याला दुखापत झाल्याचे सांगितले आहे. जखमी असतानाही तिने शुटिंग न थांबवण्याचा निर्णय घेतला. ती आरशासमोर तयार होत असतानाची एक क्लिप तिने टाकली आहे. मेकअप आणि हेअर आर्टिस्ट तिला तयार होण्यास मदत करताना दिसतात. तिने तिचा जखमी पाय काळ्या उशीवर ठेवला. व्हिडिओची शेवटची क्लिप शेअर करताना पूजाने लिहिले की, "शो मस्ट गो ऑन."
अलीकडेच, पूजा 32 वर्षांची झाली आणि तिने तिचा वाढदिवस सलमान खान आणि वेंकटेश, तिच्या सहकलाकारांसह किसी का भाई किसी की जानच्या सेटवर साजरा केला. फरहाद सामजी दिग्दर्शित आणि सलमान खान फिल्म्स निर्मित हा चित्रपट एक अॅक्शन कॉमेडी आहे. सलमान, व्यंकटेश आणि पूजा व्यतिरिक्त या चित्रपटात जगपती बाबू, राघव जुयाल, शहनाज गिल आणि पलक तिवारी यांच्याही भूमिका आहेत. हा चित्रपट 30 डिसेंबर 2022 रोजी प्रदर्शित होणार आहे.
याशिवाय ती रोहित शेट्टीच्या सर्कसमध्ये रणवीर सिंग, वरुण शर्मा आणि जॅकलीन फर्नांडिस या सहकलाकारांसह दिसणार आहे. विल्यम शेक्सपियरच्या क्लासिक कॉमेडी ए कॉमेडी ऑफ एरर्सचा आधुनिक काळातील रिटेलिंग असलेला हा चित्रपट 23 डिसेंबर रोजी रिलीज होणार आहे. ती महेश बाबूच्या आगामी चित्रपटात देखील काम करत आहे, ज्यामध्ये संयुक्त मेनन आहे.
हेही वाचा - रामायण फेम सीता अर्थात दीपिका चिखलिया ग्लॅम ट्रान्सफॉर्मेशन व्हिडिओमुळे झाली ट्रोल
