ছয়গাঁৱত অসম দৰ্শন আঁচনিৰ অধীনত অনুদান বিতৰণ

অসম দৰ্শন আঁচনিৰ অন্তৰ্গত ছয়গাঁও সমষ্টিৰ অধীনষ্ঠ ছয়গাঁও উন্নয়ন খণ্ড, বনগাঁও উন্নয়ন খণ্ড আৰু গৰৈমাৰী উন্নয়ন খণ্ডৰ ৪৬ টা নামঘৰলৈ বুধবাৰে অনুদান পত্ৰ বিতৰণ কৰে বিধায়ক ৰেকিবুদ্দিন আহমেদে ৷ ছয়গাঁও ৰাজহ চক্ৰ বিষয়াৰ কাৰ্যালয় প্ৰাংগণত আয়োজিত এখন সভাত ছয়গাঁও সমষ্টিৰ বিধায়ক ৰেকিবুদ্দিন আহমেদে নামঘৰৰ অনুমোদন পত্ৰসমূহ বিতৰণ কৰে । সভাখনত বিধায়কগৰাকীয়ে নামঘৰ নিৰ্মাণ কমিটিসমূহক কামসমূহ সূচাৰুৰূপে সম্পন্ন কৰিবলৈ আহ্বান জনায় । এই অনুষ্ঠানবোৰ সম্পূৰ্ণ ৰাজনীতিৰ ঊৰ্ধত বুলিও তাৎপৰ্যপূৰ্ণ মন্তব্য কৰে বিধায়ক আহমেদে ৷ তিনিওটা উন্নয়ন খণ্ডৰ ৫২ টা নামঘৰলৈ প্ৰায় ১ কোটি ৩০ লাখ টকা অনুমোদন জনোৱাৰ কথা সদৰী কৰে বিধায়ক ৰেকিবুদ্দিন আহমেদে ৷ বুধবাৰে ইয়াৰে ৪৬ টা নামঘৰৰ মাজত অনুমোদন পত্ৰসমূহ বিতৰণ কৰাৰ বিপৰীতে বাকী নামঘৰসমূহলৈ প্ৰমাণ পত্ৰ পুনৰীক্ষণ কৰি অনুমোদন আগবঢ়াব বুলি ব্যক্ত কৰে বিধায়কগৰাকীয়ে ৷