বকোৰ ছমৰীয়া সত্ৰত মাধৱদেৱৰ তিৰোভাৱ তিথি পালন

আজি মহাপুৰুষ শ্ৰীমন্ত শংকৰদেৱৰ প্ৰিয় শিষ্য মহাপুৰুষ শ্ৰী শ্ৰী মাধৱদেৱৰ ৪২৬ সংখ্যক তিৰোভাৱ তিথি (426th Death anniversary of Madhavdev)। বৃহস্পতিবাৰে সমগ্ৰ ৰাজ্যবাসীয়ে স্মৰণ কৰিছে গুৰুজনাক । হৰি নামৰ ধ্বনিৰে মুখৰিত হৈ পৰিছে ৰাজ্যৰ সত্ৰ তথা নামঘৰসমূহ । ব্যতিক্ৰম নহয় বকোৰ ঐতিহ্যমণ্ডিত ছমৰীয়া সত্ৰও(Death anniversary of Madhavdev in Samaria satra)। এই সত্ৰখনতো উদযাপন কৰা হ'ল মহাপুৰুষজনাৰ তিৰোভাৱ তিথি । উল্লেখ্য় যে মহাপুৰুষজনাৰ নিৰ্দেশ মৰ্মে তেওঁৰ প্ৰিয় শিষ্য বৰবিষ্ণু আতাই ১৫৮৮ খ্ৰীষ্টাব্দত ছমৰীয়া সত্ৰ স্থাপন কৰিছিল । ছমৰীয়া সত্ৰত চাৰিহাটীৰ ৰাইজে পুৱাৰে পৰা নাম কীৰ্তন আৰু ভোজন বিহাৰ নাট প্ৰদৰ্শনেৰে উদযাপন কৰে মহাপুৰুষজনাৰ তিৰোভাব তিথি । অৱশ্য়ে এই তিথিৰ লগত সংগতি ৰাখি প্ৰতি বছৰে অনুষ্ঠিত কৰা নাওঁখেল প্ৰতিযোগিতাখন সাময়িকভাবে স্থগিত ৰাখে ৰাইজে ।