নলবাৰী, ২১ আগষ্ট: দেওবাৰে অনুষ্ঠিত হয় অসম চৰকাৰৰ সৰ্ববৃহৎ চতুৰ্থ বৰ্গৰ পৰীক্ষা । ৰাজ্যৰ ভিন্ন প্ৰান্তৰ লগতে নলবাৰীতো ৬৯ টা কেন্দ্ৰত অনুষ্ঠিত হয় পৰীক্ষা । ভিন্ন প্ৰান্তৰ পৰা অহা ২৪,৭৫৩ গৰাকী প্ৰাৰ্থীয়ে নলবাৰীত পৰীক্ষাত বহে (Assam Grade 4 Recruitment Exam in Nalbari) । অসম চৰকাৰৰ এই নিযুক্তি পৰীক্ষাত যাতে কোনো দুৰ্নীতি, অপ্ৰীতিকৰ পৰিস্থিতিয়ে বিৰাজ নকৰে তাৰ বাবে ৭০০ তকৈও অধিক নিৰাপত্তাৰক্ষী নিয়োগ কৰে ।
ইয়াৰ মাজতে নলবাৰী চহৰস্থিত নলবাৰী ছোৱালী উচ্চতৰ মাধ্যমিক বিদ্যালয়(Nalbari Girls HS School) পৰীক্ষা কেন্দ্ৰত উত্তেজনাময় পৰিৱেশে বিৰাজ কৰে । পুৱা ১০ বজাৰ পৰা আৰম্ভ কৰি দিনৰ ১২ বজাত পৰীক্ষা শেষ হোৱাত ২১ গৰাকী পৰীক্ষাৰ্থীৰ মাজত হাহাকাৰ পৰিস্থিতিৰ সৃষ্টি হয় ।
ঘটনাৰ বিৱৰণী মতে উক্ত পৰীক্ষা কেন্দ্ৰৰ এটা পৰীক্ষা হলত 24 গৰাকীকৈ পৰীক্ষাৰ্থীয়ে পৰীক্ষাত বহিছিল । কিন্তু পৰীক্ষা হলটোৰ দায়িত্বত থকা নিৰীক্ষকজনৰ ভুল নিৰ্দেশনাৰ বাবেই ২১ গৰাকীকৈ পৰীক্ষাৰ্থীৰ OMR শ্বীটত বিসংগতিয়ে দেখা দিয়ে (OMR sheet disorder in Nalbari)। বুকলেট নম্বৰৰ বিপৰীতে নিৰীক্ষকে ৰোল নং বহুৱাবলৈ কোৱাত বিসংগতিয়ে দেখা দিয়ে OMR শ্বীটত ৷ ফলশ্ৰুতিত এই ২১ গৰাকী পৰীক্ষাৰ্থীয়ে তেওলোকৰৰ জীৱনক লৈ খেলা নিৰীক্ষকজনৰ বিৰুদ্ধে ক্ষোভ প্ৰকাশ কৰে ।
লগতে পঢ়ক: এইবাৰ গুৱাহাটীত পানী যোগান ধৰাৰ অদ্ভূত পৰিকল্পনা GMC ৰ
